Rudolph: Më vjen keq për sjelljen penguese të anëtarëve të KQZ që refuzojnë të certifikojnë Listën Serbe

Ambasadori gjerman në Kosovë, Rainer Rudolph, shprehu keqardhje për refuzimin e disa anëtarëve të Komisionit Qendror të Zgjedhjeve për të certifikuar Listën Serbe për zgjedhjet e jashtëzakonshme parlamentare më 28 dhjetor.

"Më vjen keq për sjelljen penguese të disa anëtarëve të Komisionit Qendror të Zgjedhjeve që refuzojnë të certifikojnë Listën Serbe për zgjedhjet e ardhshme parlamentare. Procesi zgjedhor dhe përgatitjet teknike për zgjedhjet duhet të çlirohen nga manovrimet politike nga aktorët politikë", shkroi Rudolph në rrjetin social Bluskaj.

Kjo është hera e tretë që KQZ nuk e certifikoi fillimisht Listën Serbe për pjesëmarrje në zgjedhje. Kjo ndodhi për herë të parë në zgjedhjet e rregullta parlamentare më 9 shkurt, dhe më pas në zgjedhjet lokale më 12 tetor.

Në të dy rastet e mëparshme, Paneli Zgjedhor i Ankesave dhe Parashtresa (PZAP) e rrëzoi vendimin e KQZ-së.