Sadiku: Me një raund të ri dialogu, Brukseli dëshiron të sinjalizojë se është në kontroll të situates

Analisti politik Arbnor Sadiku beson se raundi i ri i dialogut në Bruksel në nivelin më të lartë i shërben Bashkimit Evropian për të justifikuar veten dhe se mund të thotë se kontrollon situatën politike mes Kosovës dhe Serbisë.

“Ne kemi një marrëveshje ndërmjet Kosovës dhe Serbisë, pas së cilës Serbia u përpoq të fajësonte Kosovën për dështimin e marrëveshjes dhe Kosova u përpoq të thoshte se Serbia është fajtore që nuk e respektoi marrëveshjen”, tha Sadiku për Kosovo online.

Një raund dialogu është planifikuar për nesër në Bruksel, në të cilin Prishtinën do të përfaqësojë kryeministri Albin Kurti, ndërsa Beogradi do të përfaqësohet nga presidenti serb Aleksandar Vuçiq. Siç është paralajmëruar, përfaqësuesi special i BE-së, Miroslav Lajçak, fillimisht do të zhvillojë takime të ndara me Vuçiqin dhe Kurtin, pas së cilës do të vijojë takimi i përbashkët trepalësh.