Sadiku: Paketa e inflacionit një prej gënjeshtrave më të mëdha të qeverisë së Kurtit

Ermal Sadiku nga Lidhja Demokratike e Kosovës vlerëson se paketa e inflacionit është një prej gënjeshtrave më të mëdha të qeverisë së Albin Kurtit dhe vuri në dukje se kjo ndikon tek ekonomia kosovare në planin afatgjatë, ndërsa inflacioni mbetet problem serioz.

Sipas fjalëve të tij, me shpërndarjen e të hollave nga buxheti, kryesisht në prag të zgjedhjeve dhe pa ndonjë plan të vërtetë ekonomik, qeveria e Kurtit bleu mbështetje afatshkurtër duke dëmtuar ekonominë në planin afatgjatë.

"Inflacioni në Kosovë vazhdon të jetë një problem serioz. Dhe inflacioni nuk është vetëm përqindje në statistika, kjo është më pak fuqi blerëse për qytetarët, kosto më të larta për të bërë biznes dhe në fund të fundit, ekonomi e dobët shtetërore. Kundër inflacionit nuk luftohet me shpërndarjen e të hollave në prag të zgjedhjeve. Luftohet me politika ekonomike, rritje të prodhimit, konkurrencës dhe investimeve. Amatorë", shkruan Sadiku në Fejsbuk.