Serbët heqin barrikadat në veri të Kosovës, heqin makineritë e rënda

Serbët nga veriu i Kosovës kanë nisur heqjen e barrikadave, në veri të Kosovës, në Rudarë afër Zveçanit dhe Sllatina e Ibrit dhe Leshaku jo shumë larg nga Leposaviqit

Ato dy barrikada ishin edhe më të mëdhatë në rrugën kryesore që të çon nga Prishtina në drejtim të Rashkës dhe vendkalimit administrativ Jarinje. Heqja e barrikadës në Rudarë është shoqëruar nga një numër i madh i pjesëtarëve të forcës së shtatë.

Po ashtu, sot rreth orës 15 filloi heqja e barkadës edhe në Leshaku.

Makineritë e rënda hiqen, dhe me errësirën e parë, siç është paralajmëruar, drejtimi kryesor rrugor drejt Jarinjës do të jetë i kalueshëm. Qytetarët çmontojnë edhe çadrat e tyre, ndërsa zjarri i fundit po digjet në fuçitë pranë të cilave po ngroheshin serbët ditëve të fundit.

Situata në terren po monitorohet nga Kfor-i dhe gjatë tërë ditës helikopteri i atij misioni fluturon mbi barrikadat.

Më herët sot në qytetet Varragë dhe Zubodolinë në komunën e Zubin Potokut, u hoqën dy barkadat e para që bllokuan afrimet lokale.

Presidenti i Serbisë, Aleksandar Vuçiq, ka paralajmëruar heqjen e barrikadave mbrëmë pasi ka biseduar me përfaqësuesit e serbëve nga Kosova dhe ka shtuar se janë marrë garanci të forta se personat nga barrikadat nuk do të persekutohen dhe se FSK nuk mund të shkojë në veri të Kosovës pa lejen e komandantit të KFOR-it. Biseda me serbët ka qenë pasi Gjykata në Prishtinë e ka transferuar Dejan Pantiqin në arrest shtëpiak, arrestimi i të cilit shkaktoi protesta dhe barrikada serbe.