Serbët në Leposaviq e kanë “përcjellur” ministrin Aliu me bojë të kuqe dhe vezë

Ministri i Infrastrukturës Liburn Aliu, i cili në orët e hershme të mëngjesit ka hyrë në ndërtesën e komunës së Leposaviqit, është larguar pas gjysmë ore dhe serbët e grumbulluar kanë hedhur bojë të kuqe dhe vezë në drejtim të xhipit të ministrit, i cili më pas është larguar me përcjellje në drejtim të stacionit të policisë.

Ministri Aliu ka shfrytëzuar momentin kur një numër i vogël njerëzish janë mbledhur dhe kanë hyrë për të vizituar kryetarin e sapoemëruar Lulzim Hetemi, i cili ka 16 ditë që nuk ka dalë nga ndërtesa e komunës.

Kujtojmë se më 9 qershor KFOR-i refuzoi që ministri i Infrastrukturës Liburn Aliu të vizitojë ndërtesën e komunës së Leposaviqit.

Banorët e Leposaviqit për të 16-tën ditë po protestojnë para ndërtesës së komunës, për të shprehur pakënaqësinë e tyre për imponimin e kryetarëve ilegalë shqiptarë në komunat në veri dhe praninë e forcave speciale të Policisë së Kosovës.