Serbët në Suhodoll, të shqetësuar pas një sërë incidentesh, bëjnë thirrje për ruajtjen e paqes

Serbët në vendbanimin e përzier Suhodoll në Mitrovicën e Veriut prej ditësh janë të ekspozuar ndaj presioneve dhe kërcënimeve të shqiptarëve dhe pas rrahjes së të miturit Llazar Millentijeviq, persona të panjohur kanë qëlluar mbrëmë me armë zjarri në këtë vendbanim.

Serbët ndihen të frikësuar dhe të shqetësuar sepse incidentet janë të shpeshta, dhe autorët e incidenteve zakonisht mbeten të pandëshkuar.

Pas rrahjes së Llazar Millentijeviqit, një person është arrestuar edhe pse katër persona e kanë rrahur, ndërsa përfaqësuesi i serbëve në këtë vendbanim, Miqo Kragoviq, thotë për Kosovo Online se siguria është jashtëzakonisht e keqe.

 "Situata kohëve të fundit, veçanërisht në mjedisin multietnik të cilit i përkasim, është e keqe. Po ndodhin shumë dhe ka shumë faktorë që do të kërcënonin sigurinë e popullit tonë. Jemi dëshmitarë të asaj që i ndodhi Llazar Millutinoviqit, i cili eshte kërcënuar vetem se eshte serb. Diçka e ngjashme ka ndodhur mbrëmë, disa persona i kanë dhënë të drejtë vetes që duke përdorur shpejtësinë e madhe të veturës të qëllojnë me armë zjarri afër shtëpive serbe. Kjo nuk ka ndodhur para syve të shqiptarit, shtëpitë që janë para dhe mbrapa këtij vendi. Ai autor ka dashur të kërcënojë serbët që jetojnë këtu në qendër të fshatit”, thotë Kragoviq.

Kragoviqi thekson se që nga dita e parë pas përfundimit të luftës ka qenë aktiv në bisedime me fqinjët e tij shqiptarë për të ruajtur paqen në këtë fshat dhe që të gjithë të jetojnë në paqe, njëri pranë tjetrit.

 "Ftoj fqinjët e mi shqiptarë dhe serbët e mi lokale. Nëse nuk mund të jetojmë me njëri-tjetrin, atëherë le të jetojmë pranë njëri-tjetrit, sepse është turp pas 20 vjetësh që tani gjithçka po rrënohet. Gjithashtu po kërkoj të gjithë akterët përkatës, përkatësisht EULEX-i, KFOR-i dhe policia, të merren me Suhodollin multietnik që nesër të mos bëhet shkëndijë për probleme eventuale”, thotë ai.

Një nga banorët e Suhodollit, Branko Radovanoviq, tregon për Kosovo Online se mbrëmë ka qenë në shtëpinë e tij kur janë dëgjuar të shtënat.

 “Isha në shtëpinë time, dëgjova dy të shtëna dhe nxitimin e automjetit dhe kërcitjet e gomave, në fillim mendova se ishte fishekzjarre, por më shumë më dukej si municion i vërtetë. Pas kësaj erdhi një fqinj dhe më pyeti për rastin dhe më tha se në rrugë janë gjetur gëzhoja”, tha Radovanoviq.

Ai tregon se marrëdhëniet fqinjësore kohëve të fundit janë ngrirë edhe pse më parë kanë qenë më të mira.

 “Më parë marrëdhëniet me shqiptarët nga Suhodoll i Sipërme kanë qenë mjaft të mira, për dallim nga banorët e Gushevcit, por pas luftës janë ngrirë pak, nuk mund të them se ka përleshje të vazhdueshme, por kohë pas kohe ka situata që nuk mund të qetësojnë marrëdhëniet mes nesh dhe atyre”, thekson Radovanoviq.

Ai posaçërisht thekson se nga frika, pas largimit të serbëve nga Policia e Kosovës, disa nga vjedhjet as që janë raportuar.

"Unë di të paktën dy vjedhje që nuk janë raportuar në polici sepse nuk ka besim në policinë tani. Ata njerëz nuk duan të përfshihen në diçka që do t'ua përkeqësojë situatën më vonë. Kjo pjesë ka qenë pjesë e Drejtorisë Rajonale Veri, me vendim të ministrit Sveçla, autoriteti këtu është bartur në Mitrovicën e Jugut, për çfarë kemi reaguar sepse askush nuk na ka pyetur, Sveçla ka negociuar me shqiptarët, por askush nuk na ka pyetur asgjë”, thotë Radovanoviq.

Bashkëbiseduesit tanë thonë se kanë frikë dhe se dëshira e popullatës vendase është që të lidhet me Serbinë sepse nuk ka besim në institucionet e Kosovës. Është e vështirë të parashikohet se çfarë vendimesh do të pasojnë dhe çfarë marrëveshjesh do të arrihen, dhe serbët këtu e shohin veten si një enklavë që jeton vetëm disa kilometra nga Mitrovica e Veriut, e rrethuar nga fshatrat shqiptare.