Shefi i delegacionit hungarez në KE: A është momenti i mirë për të vendosur anëtarësimin e Kosovës në rend dite?

Në mbledhjen e mëngjesit të sotëm të Byrosë së Asamblesë Parlamentare të Këshillit të Evropës, shefi i delegacionit hungarez, Nemet Zholt, pyeti se a është momenti i mirë që kërkesa e Kosovës për pranim në këtë organizatë të futet në rendin e ditës e seancës së jashtëzakonshme të sotme të Komitetit të Ministrave, mëson Kosovo online nga burime diplomatike.

Deputeti hungarez ia bëri pyetjen drejtpërdrejt zëvendëssekretarit të përgjithshëm të Këshillit të Evropës, Bjorn Berg, duke komentuar se në rrethanat aktuale gjeopolitike nevojitet unitet në Evropë.
Ai gjithashtu tregoi se fillimi i procedurës për pranimin e Kosovës mund të bëjë që disa vende të anulojnë pjesëmarrjen e tyre në Samitin e KE në Rejkjavik më 16 dhe 17 maj.

Përgjigja e zëvendëssekretarit të përgjithshëm Berge ishte se “çështja e Kosovës sigurisht që nuk do të jetë pjesë e Samitit dhe se kërkesa e tyre ka qenë në pritje për një kohë të gjatë”.
Sipas informacioneve tona, që nga mëngjesi i sotëm në Strasburg, ku filloi seanca pranverore e ASKE-së, në margjinat janë zhvilluar diskutime intensive për çështjen e aplikimit të Prishtinës, dhe veçanërisht aktivë janë përfaqësuesit e vendeve të Quint-it.

Shefja e misionit serb në Këshillin e Evropës, Aleksandra Gjuroviq, tha se “Serbia do të luftojë deri në fund që kërkesa e Prishtinës për pranim në Këshillin e Evropës të mos përfshihet në rendin e ditës e seancës së Komitetit të Ministrave. "

Sot është thirrur seanca e jashtëzakonshme e KMKE-së, dhe për këtë kanë insistuar më së shumti përfaqësuesit e Gjermanisë dhe Italisë. Fillimi i seancës është planifikuar për në orën 14:30.
Kosova ka aplikuar për pranim në Këshillin e Evropës në maj të vitit të kaluar, dhe deri më tani ai aplikim ka qenë “në sirtar”.

Arsyeja e këtij nxitimi tani në lidhje me aplikimin e Kosovës për anëtarësim është ndoshta “momenti”, për të diskutuar këtë çështje në takimin e APKE-së dhe më pas në Samitin e KE në Rejkjavik, ku në maj mblidhen krerët e shteteve dhe qeverive të anëtarëve të kësaj organizate.