Sholle foli me Kurtin për rëndësinë e formimit të menjëhershëm të BKS-së

Këshilltari special i Departamentit Amerikan të Shtetit, Derek Sholle, ka biseduar me Kryeministrin e Kosovës, Albin Kurti, për rëndësinë e zbatimit urgjent të Bashkësisë të Komunave me shumicë serbe dhe partneritetin të fortë mes SHBA-së dhe Kosovës.

“Bisedë shumë e mirë me Kryeministrin Albin Kurti për takimin e nesërm për normalizimin e marrëdhënieve me Serbinë në kuadër të dialogut të zhvilluar nën patronatin e BE-së, rëndësinë e formimit të menjëhershëm të BKS-së dhe një partneritet të fortë mes SHBA-së dhe Kosovës”, shkroi Sholle në Twitter.

Sipas njoftimit të përfaqësuesit special të BE-së për dialogun ndërmjet Beogradit dhe Prishtinës, Miroslav Lajçak, pikat kryesore e diskutimit mes Presidentit të Serbisë, Aleksandar Vuçiq dhe Kryeministrit të Kosovës, Albin Kurti, janë Deklarata për Personat e Pagjetur dhe prezantimi i Draft Statutit të Bashkësisë së Komunave Serbe.