Shoqëria civile e ndërpret bashkëpunimin me EULEX derisa të bëjë deklaratë për arrestimin dhe rrahjen e Subotiqit

Një grup i organizatave të shoqërisë civile nga veriu i Kosovës dënuan ndalimin dhe rrahjen e paligjshme të serbit Millosh Subotiq nga policia e Kosovës dhe deklaruan se po e ndërpresin bashkëpunimin me EULEX-in derisa ky mision të paraqesë një vlerësim të punës së policisë dhe forcave speciale në veri.

"Ne dënojmë fuqishëm ndalimin e paligjshëm dhe rrahjen e mëvonshme nga policia e Kosovës të një qytetari të njohur të Mitrovicës së Veriut, babait dhe bashkëshortit, Millosh Subotiq. Arrestimi dhe rrahja e tij është një tjetër në vargun e veprimeve të paligjshme nga pjesëtarët e Rajonit të Veriut dhe nënvizuan shkallën joprofesionale dhe indinjimit të gjoja përfaqësuesve të organeve të rendit ndaj qytetarëve”, thuhet në deklaratën e përbashkët të disa organizatave joqeveritare.

Ato tregojnë se heshtja e vazhdueshme e këshilltarëve të policisë lokale të EULEX-it dhe e gjithë misionit për modelin e veprimeve të paligjshme policore është e papranueshme.

Prandaj, ata kërkojnë që EULEX-i menjëherë të ndalojë praktikën e mos publikimit publik të gjetjeve të veta për punën e policisë dhe të mos deklarohet për të gjitha rastet e kontestuara ose, në të kundërtën, të ndalojë plotësisht gjoja monitorimin e punës së policisë që pretendon ta bëj.

“Ne do të reklamojmë çdo ditë derisa EULEX-i të prezantojë vlerësimin e tij për veprimet e policisë në rastin e Millosh Subotiqit. Për më tepër, ne po i pezullojmë të gjitha format e bashkëpunimit dhe takimeve me këtë mision derisa ata të paraqesin vlerësimin e tyre për punën e policisë dhe forcat speciale në veri”, thuhet në deklaratën e organizatave që kanë nënshkruar.

Në të njëjtën kohë, ato kërkojnë inicimin e një hetimi më të gjerë nga ana e Inspektoratit Policor të Kosovës për tërë punën e Rajonit të Veriut – në këtë rast individual, por edhe në të gjitha incidentet e mëparshme në të cilat pjesëtarët e policisë së Kosovës, me uniformë apo civile, ishin të përfshirë.

Ato gjithashtu i kërkuan Ombudspersonit që të nisë një hetim ex officio për gjendjen e lirive themelore civile në komunat në veri të Kosovës.

Deklarata e përbashkët është nënshkruar nga organizatat joqeveritare Aktiv, Qendra për Veprime Afirmative Sociale (CASA), Qendra për Avokim të Kulturës Demokratike (ACDC), Instituti për Zhvillim Ekonomik Territorial - InTER dhe Iniciativa e Re Sociale - NSI.