Simiq: Lista Serbe mbështetet në mbështetjen e popullit të saj, serbët të tregojn unitet dhe harmoni

Nënkryetari i Listës Serbe, Igor Simiq, thotë se kryeministri i Kosovës, Albin Kurti, do të përdorë të gjitha mekanizmat, institucionalë dhe jashtëinstitucionalë, që të mos veprojë Lista Serbe, por se serbët në Kosovë duhet të jenë të bashkuar dhe të tregojnë unitet në zgjedhjet e 9 shkurtit.

Simiq ka thënë në një paraqitje i ftuar në TV Pink se Kurti e shfrytëzon çdo moment për të fituar pikë të lira politike dhe kjo sipas tij në Kosovë bëhet duke ngacmuar serbët.

"Kjo është ende e popullarizuar në mesin e votuesve shqiptarë, kjo është ajo për të cilën ai ka mbështetje dhe mbi këtë bazohet politika e tij sepse nuk ka asgjë tjetër. Ai ka arritur në atë nivel saqë përfaqësuesit ndërkombëtarë janë mësuar me faktin se kjo është mënyra e tij, ata lëshojnë sporadike një njoftim anemik që ata vetë nuk e besojnë, më së paku serbët në Kosovë, edhe pse kanë mandat ta mbrojnë paqen dhe karakterin mulltietnik të Kosovës”, ka thënë Simiq.

Ai tregon se presionet ndaj serbëve në territorin e Kosovës janë të përditshme.

“Ndodhën gjithfarë gjërash, kemi ende dhjetëra serbë që janë në kaamatet e Prishtinës pa asnjë provë, familjet e tyre po vuajnë një frikë të paparë. Një grup agjentësh specialë erdhën në derën e banesës sime për të kontrolluar se kush jeton aty, dhe unë nuk jam anonim, mirë ata e dinë se kush jam unë, kam qenë deputet i tyre. Ata kanë postblloqe ku ndalojnë makinat, kontrollojnë familje të tëra për gati një orë, natën, me tuba të gjatë. Gjatë gjithë jetës tënde, nëse je i sinqertë, nëse e di se nuk ke bërë asgjë të keqe, kjo është pak më ndryshe në hapësirën e Kosovës. Të arrestojnë dhe në vend që të dëshmojnë se je fajtor, ti vërteton se je i pafajshëm dhe e gjithë kjo para syve të misionit më të shtrenjtë ndërkombëtar për shtetin ligjor, EULEX-it, i cili qëndron mënjanë dhe hesht, që i jep Kurtit të vazhdojë të ngacmojë serbët”, shton Simiq.

Siç tha ai, Kurti do t'i përdorë të gjitha mekanizmat, institucionalë dhe joinstitucionalë, që të mos veprojë lista Srpski.

“Kemi deputetë që po bojkotojnë punën sepse për momentin deputetët e Kurtit e kanë shumicën dhe në asnjë mënyrë nuk duan të krijojnë pamjen e mulltietnicitetit dhe të jenë dekor në atë kuvend. Ekziston rreziku që Kurti ta shpallë Listën Serbe organizatë terroriste, pjesa më e madhe është e paligjshme, askush nuk e ka penguar ta bëjë këtë. Lista Serbe e di se mund të mbështetet në mbështetjen e popullit të saj, të presidentit dhe të shteti i Serbisë dhe me këtë synim shkojmë në zgjedhjet parlamentare”, thotë ai.

Ai shtoi se Lista Serbe ka më së shumti kandidatë deri më tani, 48, e një prej tyre është Dragica Gashiq.

“Është një nder i veçantë për ne, në listë janë kandidatët më të mirë që mund të ofrojë populli serb dhe ne jemi e vetmja listë serbe që kemi mbështetjen zyrtare të Beogradit, jemi kordoni i kërthizës që lidh Kosovën dhe Beogradin. Kemi mjekë, gjyqtarë, profesorë, njerëz që gëzojnë respekt dhe heroinë e popullit serb Dragica Gashiq, të cilën e dimë se çfarë po kalon”, ka theksuar Simiq.

Simiq thotë se Listës Serbe i duhen mandatet mbi të gjitha për të ruajtur interesat e popullit serb.

“Në parlament janë 120 depuet, prej të cilve 100 janë të komunitetit shqiptar, 10 të serbëve dhe 10 të komuniteteve tjera joshumicë. Për të ruajtur të drejtat, të paktën në letër, na duhen të 10 vendet. Nëse kjo nuk ndodh, do të kemi një gjendje si sot, që kemi Nenad Rashiqin, i cili është serb, por që i bindet të gjitha urdhrave të Kurtit, i cili votoi për marrjen e tokës serbe në të cilën u ndërtuan stacionet policore. Duhen ato dhjetë mandate që Kuvendi të mos e votojë bashkimin e Kosovës me Shqipërinë, të ruajmë ligjet që janë me interes jetik për popullin serb, të ruajmë zonat e mbrojtura rreth manastireve, në rast se nuk i kemi kët, do të vijnë disa serbë të tjerë dhe do të votojnë se çfarë do të thonë përfaqësuesit ndërkombëtarë se është e gjitha e ligjshme dhe legjitime. Prandaj zgjedhjet nuk janë lojë, sepse kanë të drejtë ta hedhin gjuhën serbe dhe ta përdorin atë, të pengojnë punën e shkollave dhe spitaleve. Duhet të tregojmë se sa unikë dhe të bashkuar jemi”, ka deklaruar ai.

Simiq thotë se uniteti e ka mbajtur popullin serb në Kosovë, si dhe se pa shtetin e Serbisë nuk ka serb në territorin e Kosovës.

“Kurti bëri gjithçka që të zvogëlojë forcën edhe të Listës Serbe edhe të Beogradit, sepse e di që çdo sulm ndaj Listës Serbe është sulm ndaj mbijetesës së popullit në Kosovë. Në zgjedhjet e fundit të mbajtura në SHBA, Prishtina absolutisht e mbështeti Kamala Harrisin, madje u tallën me Donald Trump dhe Richard Grenell. Grenell është ai që pas ardhjes së kryetarëve shqiptarë në komunat serbe në veri, ka ardhur dhe ka biseduar me ne për pozitën në të cilën jemi dhe është dikush që e njeh absolutisht situatën tonë. Diplomatët tanë, para së gjithash Marko Gjuriq, kur ishte në Uashington, arritën të paraqesin qëndrimin e popullit serb dhe të Serbisë. Nuk presim ndryshime epokale në politikën e SHBA-së ndaj Serbisë dhe Kosovës, por presim më shumë dëgjim”, ka thënë ai.

Ai ka theksuar faktin se Kurti ka urdhëruar komunat e Kosovës që të sjellin me autobus shqiptarët, të cilët janë të detyruar të kalojnë disa orë në veri të Mitrovicës në shëtitore duke ngacmuar dhe komentuar.

“Ata po bëjnë gjithçka për të shkaktuar një incident. Në territorin e Kosovës sot jetojnë njerëz jashtëzakonisht trima, njerëz që kanë kaluar gjithçka në 20 vjet dhe vazhdojnë të jetojnë e luftojnë atje. E gjithë Evropa e mirëpriti vendimin e qeverisë në Prishtinë për lejimin e importit të mallrave serbe, ne ende nuk i shohim këto mallra në tregjet tona, sepse kamionët kontrollohen çdo disa orë, sepse malli hyn vetëm përmes Merdarit, duke anashkaluar veriun e Kosovës. Ky është paradoksi, ai bëri dhjetë lëvizje të dëmshme dhe një pjesë e tërhoqi dhe e gjithë Evropa e duartrokiti”, thotë Simiq.

Ai theksoi se lista Srpska e dënoi qartë incidentin në Zubin Potok dhe tha se vetëm dikush që punon kundër interesave të popullit serb mund ta kishte bërë këtë.

“Ne ende insistojmë që të zbulohet se kush e ka porositur dhe kush e ka bërë, sepse jemi të bindur se nuk ka asnjë lidhje me Beogradin dhe Aleksandar Vuçiqin. Këtë e ka bërë dikush që ka dashur ta sjellë FSK në veri nga dera e pasme dhe ta përjashtojë Listën Serbe nga procesi zgjedhor, duke na shpallur neve kriminelë. Nuk do të ndalen, me afrimin e zgjedhjeve presioni do të jetë më i madh. Ne do të luftojmë me mjete politike. Kosova nuk është vetëm e neve që jetojmë atje, ajo është e të gjithëve, e gjithë popullit serb”, tha Simiq.

“Ajo që po ndodh në Beograd, ato protesta të dhunshme, u mirëpritën ngrohtësisht nga të gjithë politikanët shqiptarë në Prishtinë dhe ky duhet të jetë një sinjal i qartë për të gjithë”, ka përfunduar Simiq.