Simiq: Në ambientet e ndërtesës së komunës të Zveçanit, ikona të përdhosura, sytë e tyre të gërvishtur

Anëtari i Kryesisë së Listës Serbe, Igor Simiq, ndau foto të ikonave të përdhosura që kryetari i sapozgjedhur i komunës Dragisha Milloviq dhe këshilltarët gjetën në ambientet e komunës së Zveçanit. Sipas tij, këto dhoma u përdorën nga anëtarët e njësive speciale të Policisë së Kosovës pasi hynë me forcë në ndërtesën komunale.

"Kur kryetari i komunës Dragisha Milloviq dhe këshilltarët tanë hynë dje në ndërtesën e komunës së Zveçanit, ata gjetën skena të tmerrshme, veçanërisht në dhomat e përdorura nga anëtarët e njësive speciale të Policisë së Kosovës. Mbeturina, zyra të shkatërruara, vepra arti të shkatrruara me vlerë. Ajo që i tmerroi veçanërisht të gjithë përfaqësuesit tanë ishin ikonat e përdhosura, të hedhura në dysheme, me sytë e shenjtorëve të pikturuar të gërvishtur. Pse???", shkroi Simiq.

Kryetari i komunës të Mitrovicës së Veriut, Millan Radojeviq, tha sot se gjendja që gjetën kryetarët e rinj në ndërtesat komunale është "e trishtueshme, zhgënjyese dhe katastrofike".

"Kjo tregon se çfarë lloj marrëdhënieje ka Prishtina me popullin serb dhe qytetarët e këtyre katër komunave. Ju e dini që në komunën e Zveçanit ka një ndërtesë në një gjendje jashtëzakonisht të keqe, katastrofike, ku pikturat që kishin një vlerë të jashtëzakonshme janë zhdukur. Gjithashtu, ikonat janë të dëmtuara, që, le të themi, sytë e shenjtorëve në ato ikona janë prerë, me të vërtetë një pamje shumë e trishtueshme dhe zhgënjyese që e gjetën kolegët", tha ai.