SONDAZH Serbët në veri: Nuk do të shkojmë në zgjedhjet e Kosovës derisa të formohet Bashkësia e Komunave Serbe

Qytetarët e Leposaviqit, por edhe të gjithë veriut të Kosovës, qëndrojnë me vendosmëri prapa qëndrimit se nuk do të marrin pjesë në zgjedhjet e jashtëzakonshme lokale të planifikuara për të dielën, më 23 prill, apo ndonjë tjetër, derisa të formohet Bashkësia e Komunave Serbe dhe Prishtina e përmbush marrëveshjen. Në anketën e Kosovo Online, këtë e kanë konfirmuar pa mëdyshje, duke theksuar se nuk janë të interesuar për zgjedhjet e 23 prillit.

Alleksandar Milletiq nga Leposaviqi beson se zgjedhjet në veri të Kosovës nuk mbahen në mënyrë demokratike dhe shkak për këtë është mosrespektimi i asaj që është dakorduar në negociata.

“Mund të them në emër të vetes dhe të njerëzve që njoh, qëndrimi është që të mos shkojmë në zgjedhje derisa të realizohet ajo që është rënë dakord. Duhet të përmbushet ajo që është rënë dakord në negociata. Mjaft me represionin, na është mjaftuar gjithçka, ajo që është rënë dakord në negociatat e 2013 dhe 2015 dhe negociatat e fundit duhet të përmbushet, në mënyrë që të japim kontributin tonë të plotë në zgjedhjet e ardhshme, që sigurisht do të jetë, nëse ato mbahen në mënyrë demokratike”, tha Milletiq.

Edhe Zorana Vasiq na tha se serbët nuk do të marrin pjesë në zgjedhje dhe kërkojnë formimin e Bashkësisë së Komunave Serbe.

“Jo, nuk planifikojmë të shkojmë në zgjedhje, derisa të formohet Bashkimi e Komunave Serbe dhe të përfundojë terrori i Kurtit”, ka shtuar Vasiq.

Vesellin Radoviq shton se zgjedhjet që do të mbahen të dielën për të praktikisht nuk ekzistojnë.

“Nuk kemi ndërmend të shkojmë, për ne ato zgjedhje nuk ekzistojnë. Nuk janë të ligjshme, për sa na përket neve, shumica e popullit në këtë hapësirë nuk i njeh këto zgjedhje. Derisa të formohet Bashkësia e Komunave Serbe, që është qëndrim i Republikës sonë të Serbisë dhe qëndrimi ynë, nuk kemi ndërmend të marrim pjesë në asnjë zgjedhje në territorin tonë”, tha Radoviq.