Staroviq: Këshilli i Sigurimit i OKB-së është shumë kompetent për të shqyrtuar atë që po ndodh në Kosovë

Sekretari shtetëror në Ministrinë e Mbrojtjes, Nemanja Staroviq, thekson se BE është e autorizuar të veprojë si ndërmjetësues në negociata, por kur siguria dhe stabiliteti cenohen në mënyrë drastike, siç është rasti tani në Kosovë, Këshilli i Sigurimit i OKB-së është kompetent të shqyrtojë atë që po ndodh në terren, raporton RTS.

“Jam i sigurt se iniciativa jonë që do ta paraqesim në ditët në vijim do të japë frytet edhe se do të ketë mirëkuptim të mjaftueshëm për të vendosur në agjendën e Këshillit të Sigurimit të OKB-së pikërisht çështjen e sigurisë së serbëve dhe joshqiptarëve të tjerë në në zonën e Kosovës dhe Metohisë, dhe besoj se kjo është një lëvizje shumë e rëndësishme”, tha Staroviq.

Duke folur për njoftimet se Serbia do të kërkojë një seancë të jashtëzakonshme të Këshillit të Sigurimit të OKB-së për Kosovën, Staroviq tregon se seanca do të kërkohet patjetër.

“Për një numër shumë më të vogël incidentesh në disa meridiane të tjera, pikërisht seanca të tilla të jashtëzakonshme të Këshillit të Sigurimit të OKB-së thirren rregullisht”, tha Staroviq.

Ai shtoi se ka pasur mbi 400 sulme ndaj serbëve dhe joshqiptarëve të tjerë në Kosovë që kur Albin Kurti mori pushtetin në Prishtinë. Ai ka kujtuar edhe konfliktet me policinë.

“Ata e kuptojnë shumë mirë se kjo është një nga çështjet kyçe për të cilat vendoset e ardhmja e rendit ndërkombëtar”, tha Staroviq.