Staroviq: Kurti ka treguar fytyrën e tij të një ekstremisti, BE të emërtojë qartë palën që pengon dialogun

“Për më tepër, vetë fakti që Kurti bëri një deklaratë kaq kërcënuese, luftarake para EEAS, dëshmon se po tallet me BE”, ka shkruar Staroviq në rrjetin social “X”.

Ai përkujtoi se Kurti ka deklaruar se “serbët do të vuajnë dhe do të paguajnë” pas një raundi dialogu që rezultoi i pasuksesshëm dhe kjo për shkak se, siç tha kreu i diplomacisë evropiane, Zhozep Borel, Kurti e refuzoi propozimin e BE-së.

Ai ka theksuar se në këtë mënyrë Kurti kërcënoi drejtpërdrejt popullin serb.

“BE duhet të veprojë shpejt dhe në mënyrë efektive, për t'u treguar të gjithëve se kërcënimet dhe dhuna janë të papranueshme. Sërish apelimi për 'të dyja palët' që të përmbahen nga kërcënimet dhe dhuna do të reduktonte më tej kredibilitetin e BE-së. Nëse ndonjëherë ka pasur një moment për të emërtuar palën që pengon procesin e dialogut me masa të njëanshme, kërcënime dhe përdorimin e forcës, është tani”, tha Staroviq.

Siç shtoi ai, për t'u kuptuar drejt dhe seriozisht, deklaratat e këtij lloji duhet të shoqërohen me masa të forta, shumë të ndryshme nga sanksionet diplomatike të buta dhe pa dhëmbë që BE i ka vendosur deri tani Kurtit.

“Nëse BE dëshiron të rifitojë besueshmërinë e saj, të provojë autoritetin e saj dhe të shpëtojë atë që ka mbetur nga procesi i normalizimit të Beogradit dhe Prishtinës, kjo është e vetmja mënyrë e qëndrueshme e veprimit”, thotë Staroviq.