Vuçiq: Jam i shqetësuar për deklaratën e Kurtit dhe për heshtjen e bashkësisë ndërkombëtare

Presidenti i Serbisë, Aleksandar Vuçiq ka thënë sot se është shumë i shqetësuar nga deklarata e kryeministrit të Kosovës Albin Kurti në Bruksel, se serbët dhe Lista Serbe duhet të vuajnë dhe të paguajnë, si dhe heshtja e bashkësisë ndërkombëtare, duke shtuar se jehona e tmerrshme e atyre fjalëve do të mund të merrte vetëm kuptimin e tyre të vërtetë, kuptimin në të ardhmen, edhe pse shpreson se serbët do të arrijnë ta shmangin atë.

“Më shqetësoi deklarata e Albin Kurtit, të cilën askush nuk dukej se e kishte vënë re. Ata bëjnë si naivë në Perëndim për të mos parë saktësisht se çfarë tha Kurti. Nëse unë do ta kisha thënë këtë, do të isha varur në Bruksel, Berlin, Uashington. Tregon gjithë hipokrizinë dhe nuk është asgjë e re. Nëse do të kisha thënë këtë, që shqiptarët duhet të paguajnë dhe të vuajnë, mund ta imagjinoni se cila do të ishte përgjigja”, u tha Vuçiq gazetarëve në Nish.

Ai ka deklaruar se Kurti po bën “lojëra të çuditshme” dhe se askush nuk e ka të qartë se çfarë po bën, por se është e qartë se po i shmanget formimit të Bashkësisë së Komunave Serbe.

"Deklarata e tij u prit me indinjatë të madhe nga serbët. E keni parë hakmarrjen e tij mbrëmë në Graçanicë dhe ai do të vazhdojë të hakmerret ndaj serbëve", tha Vuçiq.

Megjithatë, ai tha se serbët po bëhen më të fortë, më të bashkuar në rezistencë, politike, demokratike dhe çfarëdo tjetër dhe se Serbia do të vazhdojë të mbështesë popullin serb në Kosovë në kushte të tilla.

“Jehonat e frikshme të atyre fjalëve të tij do të shohin kuptimin e tyre të vërtetë në të ardhmen, ose shpresoj se do të arrijmë ta shmangim. Por edhe heshtja e bashkësisë ndërkombëtare, e të gjithëve në botë, ndaj deklaratave të tilla...”, tha Vuçiq.

Ai shtoi se e kishte të qartë që në fillim se Kurti nuk dëshironte ndonjë marrëveshje sipas së cilës do të duhej të formonte një BKS dhe para asaj që, siç thotë ai, “Kurti e quan njohje informale”.

“Gjithmonë ka njerëz që do të më kritikojnë, por njerëzit nuk duhet të shqetësohen se ne jemi shumë serioz për ndonjë vendim që dëmton interesat e popullit tonë”, ka theksuar presidenti i Serbisë.