Staroviq: Topi ndodhet në fushën e Prishtinës, duhet të zbatojë atë që ka nënshkruar

Sekretari i shtetit në Ministrinë e Mbrojtjes Nemanja Staroviq ka thënë se Prishtina nuk është e gatshme të përmbushë parakushtet e nevojshme për të qenë në gjendje të flasë për ndonjë rruge drejt një marrëveshjeje të re kuadër, që është formimi i BKS, transmeton RTS.

I ftuar në Emisionin e Mëngjesit në RTS, Staroviq nënvizoi se asnjë lloj kapitullimi nuk do të ndodhë, pavarësisht rrethanave të vështira dhe presioneve që Sërbia dhe presidenti i saj po ndeshen, nuk do të tejkalohen linjat e kuqe.

“Një çështje është e të ashtuquajturës njohje reciproke, e cila është një thënie e pakuptimtë, që nënkupton detyrimin e dëshiruar të Sërbisë për t’u dakordësuar me shpalljen e njëanshme të pavarësisë së K&M dhe vija e dytë e kuqe është marrëveshja e dëshiruar e Sërbisë për anëtarësimin e Prishtinës në KB”, tha Staroviq.

Ai thekson se dje Vuçiq ka dërguar mesazhe të rëndësishme për qytetarët për rrethanat gjeopolitike, duke pasur parasysh mjedisin në të cilin ndodhet Sërbia, i cili është thellësisht ndryshe nga dhjetë vjet më parë.

Duke folur për vizitën e të dërguarit të BE Mirosllav Llajçak në Prishtinë, Staroviq thotë se duhet kuptuar qëndrimi i Llajçakut, që nënkupton llojin e nevojës për të transmetuar optimizëm zyrtar në funksion të punës së tij.

“Nuk ka pasur progres kyç, Prishtina nuk është e gatshme të përmbushë parakushtin e nevojshëm që ne të mund të flasim për një lloj rruge drejt një marrëveshjeje të re kornizë, po flasim për formimin e BKS”, thotë Staroviq.

Dje mbërriti mesazhi ku Uashingtoni dëshiron finalizim të shpejtë, por nuk është e mundur të përcaktohet një kornizë kohore specifike.

“BKS nuk është një deklaratë dhe nevojë që lind nga interesat e popullit sërb, por është një mekanizëm i rëndësishëm për realizimin e të drejtave kolektive. Kur flasim për të gjitha problemet në fushën e sigurisë, kushtet do të ishin më mirë sikur BKS të ishte formuar tashmë”, tha Staroviq.

Ai tha se përveç gjithë kësaj, një dimension tjetër i rëndësishëm është se çështja e BKS flet nëse procesi i negociatave ka kredibilitetin e vet.

"Ka dezinformata, kjo fazë do të thotë se ka diskutime për planin e zbatimit, pa përcaktuar planin e zbatimit nuk ka marrëveshje, plani i zbatimit mund të arrihet vetëm nëse BKS përfaqëson pikën zero. Ky është qëndrimi i Sërbisë," vuri në dukje Staroviq.

Sipas tij, topi tashmë është në kopështin e Prishtinës, e cila duhet ta zbatojë atë që ka nënshkruar.

Staroviq shtoi se nuk do të ishte mirë që Sërbia duke zbatuar taktika të gabuara t'ia lehtësonte punën Kurtit.

“Ka shkallëzim, në qendër të problemit janë vlerat themelore, shpirti i popullit, në një nivel më të lartë janë interesat, ruajtja e integritetit territorial, nga kjo vjen strategjia dhe më pas hapat. Shpesh taktikat përzihen me strategjinë. Sërbia vazhdon në rrjedhën e luftës në Ukrainë, që është mbështetje për integritetin territorial, ne nuk duam të pozicionohemi si palë në një konflikt", thotë Staroviq.

Ai thekson se Sërbia është i vetmi vend evropian që nuk i’u bashkua sanksioneve, duke pasur parasysh mbështetjen e Rusisë, për ndalimin e rezolutës së vitit 2015 ku, siç tha ai, do të shpalleshin i vetmi komb genocidal.

“Sa herë që të përfundojë lufta, do të duhet roli i Sërbisë në mënyrë që marrëdhëniet ndërkombëtare të kthehen në normalitet”, shton Staroviq.

Duke folur për pozitën e sërbëve në Kosovë, Staroviq thotë se jeta e tyre ka qenë e vështirë qysh prej vitit 1999 e në vazhdim.

"Kemi rritje të dhunës ndaj sërbëve", ka thënë Staroviq dhe përsëriti se që sërbët të jenë të mirë siguruar, duhet të formohet BKS.