Stevanoviq: Gjenerali Xhekson nuk e pengoi eksodin e serbëve nga Kosova, por refuzoi urdhrin e Klarkut për pushtimin e Sllatinës

Mirëpo, siç shton ai, Xhekson ishte në të njëjtën kohë shumë i shqetësuar për kontradiktat që e prisnin pas mbërritjes në Kosovë.

Si komandant i parë i KFOR-it, gjenerali Xhekson do të mbahet mend për disa deklarata dhe vendime të mira, por edhe për disa vendime të pazbatuara me pasoja të rënda, thotë Stevanoviq dhe thekson se gjenerali Xhekson refuzoi të zbatonte urdhrin e Uesli Klark për të kapur Aeroportin e Sllatinës.

Pastaj, kujton Stevanoviq, Xhekson e shpjegoi refuzimin e urdhrit me deklaratën e famshme: "Unë nuk dua që ushtarët e mi të fillojnë luftën e tretë botërore".

“Kjo është ende një deklaratë e tij e rëndësishme, e denjë për respekt. Në anën tjetër, gjenerali Xhekson, ndryshe nga shumë komandantë të tjerë, ishte i sinqertë në fund të mandatit të tij kur tha qartë se Kosova multietnike, si një nga detyrat kryesore të KFOR-it, nuk ishte realizuar gjatë mandatit të tij, dhe se serbët në atë moment, sipas tij, jetojnë në mjerim dhe geto, dhe se toleranca e shqiptarëve ndaj serbëve dhe të tjerëve të rrezikuar në Republikën e Kosovës as që mund të diskutohet”, thotë Stevanoviq.

Nga ana tjetër, siç thotë Stevanoviq, gjenerali Xhekson do të mbahet mend edhe për pamundësinë e tij për të zbatuar të gjitha zotimet nga Marrëveshja e Kumanovës dhe mbi të gjitha për shkak se nuk e pengoi eksodin e serbëve dhe joshqiptarëve të tjerë nga Kosova, pikërisht gjatë mandatin e tij në krye të forcave të KFOR-it.

“Në atë kohë, por edhe më vonë, deri më sot, ai nuk bëri të mundur krijimin e një ambienti të sigurt në Kosovë për jetën normale të të gjithë qytetarëve dhe për funksionimin normal të të gjitha institucioneve në Kosovë. Gjithashtu, gjatë mandatit të tij dhe deri më sot, UÇK-ja nuk është çarmatosur në thelb, gjë që ishte edhe mandat i forcave të KFOR-it, dhe të gjithë refugjatët dhe të mërguarit nga Kosova dhe Metohia nuk janë kthyer, edhe për shkak se, sipas meje, KFOR-i nuk i përmbush obligimet e veta për mjedis të sigurt”, thotë Stevanoviq.