Todiq: Krim i madh që vjen nga regjimi në Pristinë, do t’i ripërtërijmë muralet e lyera

Ish kryetari i Komunës së Lleposaviqit, Zoran Todiq, vlerësoi se përdhosja e muraleve në atë komunë, është një tjetër krim i madh që vjen nga regjimi aktual në Prishtinë dhe drejtohet ndaj çdo gjëje që është sërbe.

Todiq për Kosovo Onlajn theksoi se ky akt nuk vjen vetëm nga vendasit, por edhe nga autoritetet në Prishtinë.

"Një tjetër krim i madh i drejtuar kundër çdo gjëje sërbe. Kjo vjen si nga ana e autoriteteve vendore lokale ilegale dhe jolegjitime, ashtu edhe nga regjimi aktual në Prishtinë. Përdhosja e fytyrave të bashkëqytetarëve tanë të ndjerë, të cilët u larguan nga kjo botë shumë shpejt, është vërtet një akt i paarsyeshëm dhe sigurisht, pa dyshim, kjo mund të vijë vetëm nga njerëz të paarsyeshëm dhe të sëmurë", tha Todiq.

Ky i fundit pyeti se kush i besdis muralet që nuk përcjellin asnjë mesazh urrejtjeje apo fanatizmi.

"Edhe një herë, autoritetet abuzuan dhe për këtë krim angazhuan policinë kosovare. I paarsyeshëm, i dhimbshëm dhe i trishtë", theksoi Todić.

Ky i fundit shtoi se ky akt prek më shumë familjet e të rinjve, muralet e të cilëve u shkatërruan, por edhe çdo sërb që jeton në Kosovë.

“Turp i madh për një njeri, pavarësisht se kujt populli i përket. Di që kjo u dhemb më shumë familjeve të këtyre të rinjve, por dhemb edhe çdo sërbi të ndershëm dhe të respektuar”, tha Todiq.

Kujtoi se e njëjta ndodhi dje në Mitrovicën e Veriut.

"Fatkeqësisht, të tilla veprime patëm dje dhe në Mitrovicë, ku muralet e personaliteteve të kishës sonë dhe muralet që kujtojnë simbolet e rezistencës dhe mbijetesës së popullit sërb u përdhosën. Me të vërtetë akt i paarsyeshëm, i cili mund të ketë pasur për qëllim provokimin e reagimit të popullit sërb", beson Todiq.

Ky i fundit beson, se populli sërb do të mbetet dinjitoz.

"Mendoj se duhet të jemi të mençur. Kjo nuk do të zgjasë përgjithmonë. Jam i bindur se shumë shpejt do t'i restaurojmë të gjitha muralet e lyera", tha Todiq.

Persona të panjohur gjatë natës në Komunën e Lleposaviqit nën asistencën e Policisë Kosovare, lyejtën muralet kushtuar Gjorgje Llukoviq dhe Jovan Millanoviq.