Vuçeviq: Armatimet që po merr Prishtina janë rrezik për Serbinë

Ministri i Mbrojtjes i Serbisë, Millosh Vuçeviq, ka thënë sot se është i shqetësuar për armatosjen e Prishtinës me raketa antitank Javelin, sepse gjithçka që po marrin shqiptarët në Kosovë paraqet rrezik për Serbinë.

"Në SHBA kanë përfunduar të gjitha procedurat, kanë miratuar blerjen e “Javelin” dhe kur shton atë që Turqia u ka dorëzuar më parë, SHBA, Gjermania, pak Kroacia, ndërsa britanikët po punojnë me ta në stërvitje. .. NATO nuk po punon drejtpërdrejt në krijimin dhe fuqizimin e ushtrisë së Kosovës, por në të janë të përfshirë drejtpërdrejt disa vende anëtare. Gjithçka që marrin shqiptarët në Kosovë është rrezik për Serbinë”, ka paralajmëruar Vuçeviq për TV Prva.

Ai thekson se të gjitha kritikat ndaj Serbisë janë për shkak të investimeve të mëdha për armatosjen e ushtrisë së saj, sepse vendi është I rrethuar me anëtar e NATO-s, i thjeshtuar, madje edhe pjesë e luftës së psikologjisë, nuk do të na dekurajonin dhe ta bënin gjithçka të kotë.

Ai tha se Ushtria e Serbisë nuk po përgatitet për luftë, por përkundrazi, për të ruajtur paqen.

"Ne duam të zbatojmë programin “Kërcim drejt së ardhmes” dhe për këtë na duhet paqe, jo luftë. “Ushtria nuk do luftë, ajo është për të qenë garant i paqes dhe rojtar i lirisë, që të mos bëhemi kokërr që do ta hajë asnjë shpend grabitqar që do ta gëlltiste Serbinë”, tha Vuçeviq.

Ministri tha se Serbia si shtet serioz po mendon se si do të jetë përgjigja për gjithçka që po bëhet në vendet tjera, në Kosovë për shkeljen e rezolutës 1244 të Këshillit të Sigurimit të OKB-së, duke theksuar se edhe Kroacia po armatoset dhe duke dërguar mjete të blinduara në Manastirin e Bardhë.

Vuçeviq ka bërë të ditur gjithashtu se më 30 janar do të mbahet takimi i rregullt për raportin vjetor për gjendjen në Forcat e Armatosura të Serbisë, Presidentit të Republikës dhe gjithë kreut të Ministrisë së Mbrojtjes dhe Forcave të Armatosura të Serbisë, ku do të diskutojm se çfarë është bërë dhe përcaktojm qëllimet dhe objektivat për periudhën e ardhshme.

"Dje kemi pasur një takim për ushtrinë, jemi në pritje të prezantimit të gjithçkaje që do të bëjmë në Ministri, ushtri, por edhe në MPB dhe segmente të tjera të mbrojtjes. Forcimi i mëtejshëm i ushtrisë na pret, sepse US, Ministria e Mbrojtjes, Ministria e Brendshme dhe BIA janë ata që duhet të sigurojnë dhe mbrojnë gjithçka që është pjesë e projektit ‘Krcim drejt së ardhmes’. Nuk ka Serbi pa ushtri. Nuk është as pretencioze dhe as pompoze, por pa një ushtri të fortë nuk kemi kushte të zhvillohemi më tutje”, tha Vuçeviq.

Kur është fjala për propozimin për rinovimin e shërbimit të rregullt ushtarak, ministri shprehu bindjen se mund të merret një vendim për këtë çështje gjatë këtij viti, duke shtuar se Ministria dhe Ushtria Serbe qëndrojnë të vendosur për këtë iniciativë.

I pyetur për formimin e qeverisë së re, Vuçeviq tha se pret konstituimin e mbledhjes së re të Kuvendit të Serbisë në gjysmën e parë të shkurtit.

"Do të shohim nëse organet e parlamentit do të zgjidhen menjëherë, por që nga momenti i konfirmimit të mandatit ka një afat 90-ditor për formimin e qeverisë. “Ne presim diskutime për shumicën e re parlamentare, kush do të jetë pjesë e saj, kush do të marrë pjesë në qeverinë e re”, tha Vuçeviq dhe shtoi se deri më tani nuk është diskutuar për zgjidhje kadrovike.

Lidhur me diskutimin në Parlamentin Evropian për parregullsitë e pretenduara zgjedhore, ai vuri në dukje se të gjitha sulmet ndaj Serbisë vijnë kryesisht për shkak të Kosovës dhe Rusisë.

"Të gjithë ata që na sulmojnë e bëjnë këtë sepse ne nuk do ta njohim Kosovën dhe për shkak se ne kemi politikën tonë dhe nuk kemi vendosur sanksione ndaj Rusisë, ne bashkëpunojmë me Kinën, vendet afrikane dhe aziatike. Të gjithë e përdorën atë si një mundësi ideale për ta bërë një paketë të re sulmesh ndaj Serbisë dhe popullit serb”, tha Vuçeviq.