Vuçeviq: Situata e sigurisë në veri të Kosovës e Metohisë është shumë e rrezikshme, ne kemi përcaktuar vija të kuqe

Ministri i Mbrojtjes, Millosh Vuçeviq, thotë se situata e sigurisë në veri të Kosovës është shumë e rrezikshme për shkak të vendimeve të njëanshme, të paligjshme, jolegjitime të administratës në Prishtinë, duke shtuar se janë përcaktuar vijat e kuqe, transmeton RTS.

Duke folur për rrezikun aktual të sigurisë në veri të Kosovës, Vuçeviq thotë se ndoshta është më i madhi i mundshëm.

“Nëse mund ta renditim në këtë mënyrë, duke marrë parasysh jo vetëm atë që ndodhi dy ditët e mëparshme, veçanërisht të hënën, por gjithçka që ndodhi javë e muaj më parë, për të cilat paralajmëroi Serbia zyrtare, presidenti i Republikës ka biseduar edhe me përfaqësuesit ndërkombëtarë, por edhe e informuan publikun në Serbi për skenarin e mundshëm dhe, për fat të keq, kjo ndodhi”, tha Vuçeviq.

Ai ka theksuar se “rruga e Albin Kurtit çon në përshkallëzim, në konflikte, lëndime, të shtëna me armë zjarri dhe të gjitha ato skena që i kemi parë, të cilat nuk duam t’i shohim askund, sidomos jo në vendin tonë”.

“Situata e sigurisë është shumë e rrezikshme për shkak të vendimeve të njëanshme, të paligjshme, jolegjitime të administratës në Prishtinë dhe mbi të gjitha le ta quajmë me emrin e duhur dhe të përpiqemi ta sublimojmë si pushtim të veriut të Kosovës nga administrata shqiptare nga Prishtinë”, ka shtuar Vuçeviq.

Ai theksoi se Beogradi beson në bisedë politike, dialog dhe zgjidhje politike, prandaj dje kanë pasur takime me ambasadorët e vendeve të Quint-it, si dhe me ambasadorët e Kinës dhe Rusisë.

“Prandaj presidenti ka pasur disa biseda telefonike me të gjithë ata që janë të përfshirë në procesin e dialogut, sepse gjithmonë është më mirë të kërkohet një rrugë politike, pra një zgjidhje politike, sesa të hyhet në konflikte”, tha Vuçeviq.

Ai shton se në përputhje me urdhrin e Presidentit të Republikës, ushtria serbe është ngritur në nivelin më të lartë të gatishmërisë luftarake.

“E gatshme për të kryer çdo detyrë, dhe Serbia ka përcaktuar nga ana politike se cilat janë vijat e kuqe kur Serbia gjendet në një situatë ku kërcënohen interesat më vitale kombëtare dhe shtetërore. Po flasim për skenarë ku dikush po vret serbët, se fillon likuidimi fizik i popullit tonë nga policia e Kosovës, dëbimi i serbëve, pogromi, gjithçka që na ka ndodhur para 20 apo 30 vitesh. Ato situata do të ishin vërtet jo vetëm alarm i kuq, por momenti kur Serbia nuk mund të vetëm flasë dhe të rrijë duarkryq”, tha Vuçeviq.

Ai shtoi se shpresojnë dhe bëjnë gjithçka për të parandaluar një zhvillim të tillë, sepse, thotë ai, nuk është në interes të Serbisë dhe askujt tjetër.