Vuçiq: I drejtuan armët Danilos, por nuk ia hoqën këmishën

Presidenti i Serbisë, Aleksandar Vuçiq, ka bërë të ditur se policët shqiptarë në Kosovë i drejtuan armët djalit të tij Danilos, i cili mori pjesë në festën e Vidovdanit në Graçanicë, duke kërkuar që të hiqte bluzën me çdo kusht me mesazhin “Dorëzimi nuk është opsion”, gjë që nuk e bëri.

Vuçiq ka shkruar në Instagram pak pas mesnate se për atë që po ndodhte në Kosovë e ka marrë vesh vetëm atëherë.

"Vetëm tani e mora vesh se çfarë po ndodhte në Kosovë. Herën e fundit që ndaluan Danilon, jo larg Podujevës, policia shqiptare kërkoi që ai të hiqte me çdo kusht bluzën ku shkruhej "Dorëzimi nuk është opsion". Danilo nuk u pajtua dhe më pas i drejtuan armët dhe e pyetën - "Emri i babait?" Ai u përgjigj: "Aleksandar!  Ky është babai im dhe presidenti yt!", Këmisha e tij nuk ishte hequr, fytyra e tij nuk ishte e njollosur. Dorëzimi nuk është një opsion", tha presidenti Vuçiq.