Vuçiq me Trokazin: Mirënjohje për Francën për mbështetjen e saj në dialogun me Prishtinën

Presidenti i Serbisë, Aleksandar Vuçiq, ka takuar të dërguarin special të Francës për Ballkanin Perëndimor, René Trokaz, me të cilin ka biseduar për situatën në Kosovë dhe rrugën evropiane të Serbisë.

Vuçiq ka deklaruar në Instagram se me Trokazin ka diskutuar edhe për rrethanat në Evropë dhe rajon.

Ai përsëriti mirënjohjen e tij për Francën për mbështetjen e dialogut me Prishtinën dhe rrugën evropiane të Serbisë.

“E falënderova edhe një herë Francën dhe presidentin Macron për mbështetjen që i japin Serbisë, si në procesin e dialogut me Prishtinën ashtu edhe në rrugën tonë evropiane. E përsërita se vendi ynë mbetet një partner serioz dhe konstruktiv në të gjitha proceset që synojnë paqen, prosperitetin dhe një të ardhme më të mirë për të gjithë qytetarët tanë”, ka shtuar Vuçiq.