Vuçiq në Tiranë me Ramën, Orbanin dhe Macronin për tema të rëndësishme

Presidenti serb Alleksandar Vuçiç foli në margjinat e Samitit BE-Ballkani Perëndimor në Tiranë me presidentin francez Emmanuel Macron dhe kryeministrat shqiptar e hungarez Edi Rama dhe Viktor Orban.

Vuçiq ka shkruar në profilin e tij në Instagram “buducnostsrbijeav” se ka folur me Ramën dhe Orbanin për nismën “Ballkani i Hapur”, planet dhe projektet e përbashkëta, trendet globale dhe zhvillimin e situatës në rajon.

“Kam biseduar me mikun tim Edi Rama për nismën e Ballkanit të Hapur dhe çështjet tona të përbashkëta”, tha Vuçiq.

Siç ka thënë, me kryeministrin hungarez Viktor Orban, Vuçiq ka biseduar edhe për zhvillimin e situatës në rajon.

“Një bisedë e shkëlqyer me mikun tim Viktor Orban për planet dhe projektet e përbashkëta, trendet globale dhe zhvillimin e situatës në rajon, me një marrëveshje për t'u takuar përsëri sa më shpejt të jetë e mundur”, tha Vuçiq.

Presidenti serb Aleksandar Vuçiq është takuar edhe me presidentin francez Emmanuel Macron, me të cilin ka shkëmbyer mendime për çështjet aktuale globale, por edhe për lidhjen e Ballkanit Perëndimor me BE-në dhe rrugën evropiane të Serbisë.

"Një takim i përzemërt me Emmanuel Macron, me të cilin shkëmbyem mendime për çështjet aktuale globale, por edhe për lidhjen e Ballkanit Perëndimor me BE-në dhe rrugën evropiane të vendit tonë. Gjithashtu diskutuam për stabilitetin rajonal dhe ritheksova përkushtimin e vazhdueshëm të Serbisë për ruajtjen e paqes dhe dialogut, si e vetmja rrugë për zgjidhjen e të gjitha çështjeve”, tha Vuçiq.