Vuçiq: Osmani mund të hyjë në sallën e APKB vetëm me tur turistik dhe kështu do të jetë gjatë

Presidenti i Sërbisë Aleksandar Vuçiq ka thënë sot për rastin e mesazheve dhe vlerësimit të presidentes kosovare Vjosa Osmani në Nju Jork se dukej nervozizmi tek përfaqësuesja e Prishtinës pasi pothuajse askund nuk pati ndikim gjatë seancës së Asamblesë së Përgjithshme të KB. Ai theksoi se Osmani mund të hyjë në ndërtesën e KB por jo në sallën qëndrore, veçse me tur turistik dhe kështu do të jetë gjatë, tha ai.

“Mendoj se ata ishin mjaft nervozë. Përveç pritjeve të hapura, ku kushdo mund të dëshirojë të vijë, sikurse e Trampit, por edhe disa të tjera, ata nuk kishin fare asnjë ndikim askund. Nëse shikoni me kë folëm, me Marko Rubion, ndërsa ai u takua këtu vetëm me përfaqësues të tre shteteve europiane. Tramp, më duket se vetëm me Zelenskin. Ky është rezultat nervoz, pasi nuk mund të flasin me shumë, folën vetëm me Hanrahan”, u tha Vuçiq gazetarëve pas pyetjes se si e kuptonte fjalën e Osmanit se Sërbia është burimi kryesor i destabilitetit në rajon.

Kjo u pasua nga ministri i punëve të jashtme të Sërbisë, Marko Gjuriq, i cili tha se Osmani hyri “kontrabandë” në KB, pra sqaroi se nga disa shtete të tjera, mori leje nga shtet tjetër për hyrje, ndaj Sërbia paraqiti notë Kombeve të Bashkuara.

“Ndaj tentojnë nëpër korridore të kapin dikë...”, vuri në dukje Gjuriq.

Vuçiq shtoi se Osmani me këtë mund të hyjë kudo, por jo në sallën kryesore, ku mund të shkojë vetëm me tur turistik.

“Kështu mundet, paguaj helikopter, për një orë, e çojnë aty dhe do e hedhin jashtë kur të kalojë ai një orëshi. E kështu do të qëndrojë për shumë vite”, qartësoi presidenti i Sërbisë.

Tha se megjithatë, nuk do të jetë e lehtë as për Sërbinë.

“Do të na presionojnë nga anë të ndryshme, pasi të gjithë dëshirojnë që të vendosim dhe të shikojmë se të kujt janë llogoret. Ndërsa ne në llogore nuk duam, por të mbrojmë vendin dhe popullin tonë. Patëm dhe ishim, fatkeqësisht, kampionë në numrin e luftërave që patëm gjatë shekullit XX. Është koha që ne të mbrojmë popullin tonë, fëmijët, të ardhmen tonë ndaj nuk nxitohemi në llogoret e tyre”, nënvizoi Vuçiq.

Takim i sinqertë dhe i hapur me Rubion, vështirë se do të ketë shtyrje të re të sanksioneve ndaj NIS

Për takimin me sekretarin amerikan të Shtetit Marko Rubio, Vuçiq tha se biseda ishte e sinqertë, e hapur dhe përmbajtësore por shtoi se nuk do të jetë e lehtë për SHBA që sërish të marrë vendim për shtyrjen e sanksioneve ndaj NIS dhe nëse kjo ndodh, arsyeja do të jetë pikërisht sepse Rubio dje i dëgjoi me kujdes lutjet e tij.

Shtoi se e ftoi presidentin e SHBA të vizitojë Sërbinë.

"Në takimin me Rubion, toni ishte miqësor, biseda e sinqertë, e hapur, përmbajtësore. Ftova Tramp që zyrtarisht të vizitojë Sërbinë. Folëm rreth të gjitha temave të rëndësishme, nuk ishte bisedë e lehtë për sanksionet e NIS. E luta për zgjatje për një apo dy muaj. Nëse rastësisht marrin vendim të tillë, kjo do të jetë sepse Rubio dje i dëgjoi me kujdes lutjet. Por, shikoni vendosmërinë se ata nuk do të tërhiqen nga zbatimi i sanksioneve", tha Vuçiq.

Ky i fundit tha se në Nju Jork do të ketë mjaft takime dhe bisedime nën konstatimin se bota nuk po shkon në drejtimin e duhur dhe se në AP të KM askush nuk erdhi për të dëgjuar, por të gjithë hyrën në llogoret e tyre...

Njoftoi se gjatë ditës e presin dhe takime me presidentin e Finlandës, Aleks Stab, me presidentin e Gjeorgjisë, Mihail Kavelashvili, e më pas me sekretarin e Përgjithshëm të Këshillit të Europës, Berse, dhe me ministrin amerikan të Financave, Skot Besent për tarifat amerikane ndaj Sërbisë dhe mënyrat për të gjetur ndonjë zgjidhje për të ardhmen.

Duke i’u referuar prezantimit para Asamblesë së Përgjithshme të KB, Vuçiq tha se u përpoq të tregonte rreziqe të mëdha, të thoshte me guxim të vërtetën pa krijuar armiq të rinj për Sërbinë.

"Të ruajmë stabilitetin dhe paqen dhe në rajonin tonë, sepse kjo nuk shkon tamam shumë mirë në pjesë të tjera të botës", konstatoi presidenti.