Vuçiq para udhëtimit në Bruksel: Nuk do të ketë kapitullim, apo kthim në vitet nëntëdhjetë

Presidenti serb Aleksandar Vuçiq tha sot, para nisjes për në Bruksel, se nuk do të ketë kapitullim apo kthim në vitet 1990 dhe se Serbia do të ecë përpara sado e vështirë të jetë.

“Për 15 minuta do të nisemi për në Bruksel, kemi bërë përgatitjet përfundimtare. Dua të falënderoj atë pjesë të Serbisë që ka besim në udhëheqjen e saj shtetërore dhe që beson se do të bëjmë më të mirën për vendin tonë. Dhe ata që po përgatiten paraprakisht të na sulmojnë se ne kemi nënshkruar diçka dhe sepse kështu do të jemi tradhtarë dhe në fakt ata kurrë nuk kanë qenë të shqetësuar për vendin e tyre, dhe të tjerët, që nëse nuk nënshkruajmë diçka, paraprakisht e dinë se ne jemi fajtorë dhe se jemi duke u kthyer në vitet nëntëdhjetë, mund t'u them vetëm të mos shqetësohen”, ka thënë Vuçiq në Instagram, buducnostsrbijeav.

Ai shtoi se as nuk do të ketë kapitullim dhe as kthim në vitet nëntëdhjetë.

“Serbia do të ecë përpara sado e vështirë të jetë dhe ne do të arrijmë të luftojmë për të”, tha presidenti.