Zyra për KdheM në 25 vjetorin e rrëmbimit të Slavujit dhe Pereniqit: Familjet ende presin drejtësinë

Zyra për Kosovë dhe Metohi e Qeverisë së Serbisë njoftoi se sot shënohet 25 vjetori i kidnapimit të gazetarëve të Radio Prishtinës Gjuro Slavuj dhe Ranko Pereniq në rrugën Rahovec-Hoça e Madhe, ku ata ishin në një detyrë pune dhe ishin nisur për të raportuar mbi murgjit e rrëmbyer nga manastiri Sveti Vraçi, në Zoçishtë. Rrëmbyesit e dy gazetarëve nuk janë identifikuar apo dënuar deri më sot.

Familjet e gazetarëve të rrëmbyer, kolegët dhe mbarë opinioni, siç ka njoftuar Zyra për Kosovë dhe Metohi, kanë njëzet e pesë vjet që presin të vërtetën dhe drejtësinë, “që paraqet një tjetër njollë në fytyrën e atyre që janë thirrur të marrin kujdesi për drejtësinë dhe shtetin ligjor në krahinë”.

“Gjuro Slavuj dhe Ranko Pereniqi janë rrëmbyer sepse po bënin punën e tyre, por mbi të gjitha sepse janë serbë dhe rrëmbimi i tyre është dashur t'u tregojë serbëve të mbetur në Rahovec, por edhe në tërë Kosovën e Metohinë se çfarë fati i pret populli serb në krahinë”, thuhet nga Zyrja për Kosovë dhe Metohi.

Ata kujtojnë gjithashtu se memoriali i vendosur në rrugën Rahovec – Hoçë e Madhe, në vendin ku janë parë për herë të fundit Gjuro Slavuj dhe Ranko Pereniq, deri më tani është rrënuar tetë herë.

“Sot është një rast për të kujtuar se as rrëmbimet dhe vrasjet e tjera të gazetarëve në Kosovë dhe Metohi nuk janë zbardhur: Ljubomir Knezheviq, gazetar nga Sindikata e Prishtinës dhe korrespondent i Politikës, është rrëmbyer më 6 maj 1999 në afërsi të Vuçitrnit, Aleksandar Simoviq, gazetar dhe përkthyes, u zhduk më 21 gusht 1999 në Prishtinë, Marjan Melonashi, gazetar i redaksisë serbe të Radio Kosovës, zhduket më 9 shtator 2000 në Prishtinë, Momir Stokuqa, fotoreporter, u vra më 21 shtator 1999. në shtëpinë e tij familjare në qendër të Prishtinës, Mile Buljevićq një roje sigurie në Televizionin e Prishtinës, u rrëmbye në qershor të vitit 1999 para Qendrës për Refugjatë në Prishtinë”, thuhet në deklaratë.

Zyra për Kosovë dhe Metohi përsëri i bën thirrje EULEX-it dhe të gjitha institucioneve kompetente ndërkombëtare dhe vendore që të ripërtërijnë hetimet dhe të gjejnë dhe ndjekin penalisht autorët e këtij krimi, si dhe autorët e krimeve të tjera të pazbardhura kundër gazetarëve dhe popullit serb në Kosovë.

“Fatkeqësisht, gazetarët që raportojnë në gjuhën serbe në Kosovë dhe Metohi ende përballen me probleme të shumta në punën e tyre, kërcënime dhe pengesa nga autoritetet nga Prishtina, si dhe me ndalime për të ushtruar profesionin e tyre në territorin e krahinës. Presim që Institucionet ndërkombëtare në Kosovë dhe Metohi, në përputhje me mandatin e tyre, ofrojnë mbrojtje për gazetarët dhe u ofrojnë atyre kushte të sigurta dhe të civilizuara të punës”, thuhet në njoftimin e Zyrës për Kosovë dhe Metohi.

Zyra do të vazhdojë të jetë në kontakt me të gjitha qendrat e ndikimit në Kosovë, duke kërkuar zbardhjen e këtij dhe të gjitha krimeve të tjera dhe duke vënë në dukje pozitën e vështirë të popullit serb.