Zyra për K&M: Policia Kosovare në veri sërish demonstron përdorimin e tepruar të forcës

Zyra për Kosovë e Metohi deklaron se me aksionin e sotëm në vendbanimin në një pjesë të Mitrovicës së Kosovës "Policia e Kurtit" sërish demonstron përdorimin e tepruar të forcës në veri të Kosovës, me qëllimin e njëjtë-frikësimin dhe ndërmarrjen e terrorit ndaj popullit sërb.

“Fakti është se skuadriljet e Kurtit janë të lehta sa herë që gjenden në zonat sërbe, ndaj sot kanë hedhur disa breshëri që kanë përfunduar në shtëpitë, ndërtesat dhe dritaret e sërbëve vendas”, thuhet prej Zyrës për K&M.

Theksohet për fat nuk pati të lënduar apo viktima në këtë aksion të policisë prishtinase në mes të ditës dhe kur në rrugë, në fundjavë ka numër të madh banorësh, çka shkaktoi ankth të madh tek populli sërb ku siç thuhet, “shumë herë kanë vuajtur prej policëve të Kurtit”.

Zyra për K&M thekson se fjala është për provokime të sajuara të cilat shkaktojnë trazira të panevojshme dhe rrisin tensionet në veri të Kosovës për të cilat mund të jenë të ndërgjegjshëm dhe përfaqësuesit ndërkombëtarë.

"Asnjë aksion nën petkun e përplasjes me krimin nuk mund të jetë shkak për eskalimin e mëtejshëm në terren dhe përplasje me popullin sërb”, përfundon deklarata e zyrës për K&M.

Në afërsi të Fakultetit Ekonomik në Mitrovicën e Veriut sot rreth mesditës, pjesëtarët e Policisë Kosovare përdorën armë automatike. Zëvendësdrejtori i Policisë Kosovare për Rajonin e Veriut, Veton Elshani, ka thënë për Kosova Onlajn se patrulla policore tentoi të ndalte personin për të cilin dyshohet se kishte lëndë narkotike në autoveturë.