Zyra për Kosovë dhe Metohi: Arrestohen punëtorët e postës në Gorazhdec, vazhdon terrori i Kurtit ndaj serbëve

Zyra për Kosovë dhe Metohi ka njoftuar se “terrori i Albin Kurtit ndaj serbëve në Kosovë dhe Metohi ka vazhduar edhe sot me arrestimin e punonjësve të Postës në Gorazdec, komuna më jugore me shumicë serbe”.

“Shoferi V.M dhe shoqëruesi i tij V.P janë ndaluar nga policia e Kurtit dhe më pas nga menaxherja e Postës në Gorazhdec u kërkua të shkonte në stacion dhe të jepte deklaratë. Aksioni i policisë së Kurtit është kryer për të penguar pagesën e pensioneve për banorët e asaj enklavë serbe, me qëllim të qartë që populli serb të mos mbijetojë në vatrat shekullore”, thuhet në njoftim.

Siç theksojnë ata, “grabitësit e rrugës së Kurtit me uniforma policore kanë marrë në pyetje punonjësit e ndaluar të postës për orë të tëra në Pejë dhe është e qartë se në Prishtinë është marrë një vendim për heqjen e plotë të të gjitha të drejtave njerëzore të serbëve”.

Zyra për Kosovë dhe Metohi, theksohet se në kohë reale i njofton akterët përkatës ndërkombëtarë për terrorin që është intensifikuar në Kosovë dhe Metohi gjatë ditëve të fundit dhe presin reagim urgjent dhe të ashpër për ndalimin e përpjekjes për persekutim të popullatës serbe.

“U bëjmë thirrje qytetarëve tanë në Kosovë dhe Metohi që të mos bien në provokime dhe të durojnë, sepse Serbia do të gjejë mënyrën për t'u siguruar atyre pagesën e pagave, pensioneve dhe përfitimeve sociale. Do të ndalet veprimtaria kriminale e Albin Kurtit, i cili në këtë mënyrë nuk demonstron forcë, por nervozizëm dhe frikë për shkak të zbehjes së mbështetjes ndërkombëtare për regjimin e tij dhe sundimit të tij të terrorit në mënyrë të pashmangshme po i vjen fundi”, thonë ata.