Lluçiq: Synimi i Prishtinës për të shfuqizuar Telekomin në Kosovë është pjesë e strategjisë së dëbimit të serbëve, nuk do të kenë sukses

Drejtori i Përgjithshëm i Telekom Srbija, Vladimir Lluçiq, tha sot se synimi i Prishtinës për të anuluar shërbimet e kompanisë në Kosovë nuk do të ketë sukses dhe se kjo është pjesë e planit të tyre për dëbimin e popullatës serbe, si dhe se pas disa takimeve që ka pasur gjatë qëndrimit të tij në Uashington është më optimist, raporton RTV.

"Mendoj se situata në të cilën ndodhemi është mjaft e mirë për ne dhe se aventura që po bën administrata e Prishtinës së bashku me dy operatorët e Prishtinës nuk do të kalojë. Ne jemi të përcaktuar qartë me marrëveshjen e Brukselit dhe kemi lejen e tyre", tha Lluçiq dhe theksoi se administrata e kryeministrit të Kosovës Albin Kurti po diskriminon Telekomin si operator dhe vetëm për shkak se ai është serb.

Ai shtoi se Telekomi ka 250 punëtorë në atë zonë dhe se ata janë të pranishëm në 30.000 amvisëri me shërbime.

“Në fakt, ajo luftë që ata filluan me ne gushtin e kaluar me qëllim që fillimisht të na shuanin dhe kur nuk e bënë këtë, atëherë donin të na pengonin nga zgjerimi i mëtejshëm, është ekskluzivisht nga plani i tyre për të dëbuar popullsinë serbe”, ka theksuar Lluçiq.

Telekomi është shumë aktiv në Kosovë për të marrë licencën për rrjetin 5G në të gjithë territorin e Kosovës, për të cilën Luçiq foli një muaj më parë.