Policia e Kosovës ndaloi shëtitjen e alpinistëve dhe rekreativistëve në Shtërpcë

Shëtitja e planifikuar për sot nga alpinistët dhe rekreativistët nga Mitrovica e Veriut, Zveçani dhe Shtërpca, kushtuar Ditës së Ecjes, është ndaluar nga policia e Kosovës në Shtërpcë, raportoi TV Most.

Njëri nga pjesëmarrësit e shëtitjes, Nikolla Kabashiq, ka thënë për TV Most se mbrëmë, rreth mesnatës, ka marrë një telefonatë nga stacioni policor në Shtërpcë dhe se i është thënë se shëtitja për alpinistët, rekreativistët dhe familjet e tëra është e ndaluar.

“Unë u thashë që nuk është një tubim, por një ngjarje rekreative, megjithatë më janë përgjigjur se pa marrë parasysh gjithçka kanë marrë urdhër nga Ferizaji që nuk lejohet shëtitja dhe nuk kemi leje për tubim”, ka thënë Kabashiq dhe ka shtuar se për këtë aksioni është shtyrë.

Ai tregon se është befasuar në mënyrë të pakëndshme.

“Nuk gjej fjalë për të shprehur dënimin tim për këtë lloj veprimtarie të policisë së Kosovës, sepse është e qartë se po ndërtohet një shoqëri që është policore, e bazuar në mënyrë fashiste, se serbëve nuk u lejohet asnjë lloj aktiviteti shoqëror, madje as shëtitjet rekreative”, thotë Kabashiq.

Ai shton se në malin e Sharrit gjatë fundjavës ka një numër të madh të alpinistëve shqiptarë.

“Çdo ditë jemi dëshmitarë se në malin e Sharrit, i cili është i madh dhe ka vend për të gjithë, gjatë fundjavës vijnë qindra e qindra alpinistë, shëtitës dhe rekreativistë shqiptarë nga Prizreni, Gjakova dhe Peja, që janë aty, se ka të shtëna, nuk ka raportime, nuk ka miratim për shëtitje të tilla dhe kalon pa asnjë pasojë. Ky është një vendim thjesht politik për të mos lejuar serbët asnjë aktivitet, asnjë shëtitje, asnjë ndjenjë se ata janë të lirë të lëvizin ku të duan”, tha Kabashiq.

Kryetari i Shoqerisë Alpiniste “Dragua” Dragolub Drazheviq thotë se ka ardhur për të ecur në majën e Bivolit në malin e Sharrit, në ditën e quajtur “Një hap më pranë shëndetit”.

“Kam ardhur për të ecur, këtu nuk janë vetëm serbët, këtu janë njerëz normalë, të shëndetshëm, familje. Ne u nisëm nga Mitrovica për të ecur, shijuar malin që është i imi, i juaji dhe i yni.  Është shumë e vështirë kur të ndalojnë të ecësh atje ku do, ku duhet të fitosh shëndet dhe miqtë. Kjo do të ishte më e mira, por për fat të keq nuk është. Sikur dikush të më shpjegonte pse, do të tërhiqesha, do të kuptoja, do të shkoja të ngjitesha në Vushtri. Gjithçka është çështje e emrit dhe e mbiemrit”, tha Drazheviq.