U kthye pllaka përkujtimore për ushtarët serbë në Prishtinë

Monumenti i ushtarëve serbë të vdekur në luftërat e viteve 1912-1918 u kthye në vendin ku ishte para se të zhvendosej në parkun përkujtimor në varrezat ortodokse të Prishtinës.

Në prani të përfaqësuesve të ambasadës franceze, sot monumenti është kthyer nga punëtorët e ndërmarrjes komunale.

Para përkujtimit të Ditës së Armëpushimit në Luftën e Parë Botërore, në vend të përmendores së ushtarëve serbë, u vendos një pllakë e re përkujtimore në të cilën shkruhet në serbisht, shqip dhe frëngjisht – “Ushtarët francezë të rënë në Kosovë”.

Pllaka e bardhë përkujtimore e ngritur për nder të heronjve serbë të vrarë në periudhën e Luftës Ballkanike dhe të Luftës së Parë Botërore, nga viti 1912 deri në vitin 1918, në të cilën shkruhet “Këtu janë eshtrat e ushtarëve serbë që vdiqën në luftërat e vitit 1912. 1918”, është zhvendosur nga pjesa e poshtme e parkut memorial.

Heqja e pllakës përkujtimore është bërë pa dijeninë e Dioqezës rashko-prizrenase.

Famullitari i Prishtinës, Stanisha Arsiq, kishte thënë në atë kohë për “Kosovo online” se kishte dijeni se kjo është bërë me iniciativën e ambasadorit francez. Më pas, në një deklaratë të ambasadave të Francës dhe Gjermanisë në Prishtinë, konfirmohet se kjo është bërë me iniciativën e tyre.
Në rrjetet sociale ka nisur nisma e individëve dhe OJQ-ve për ta kthyer monumentin në vendin e vjetër. Peticioni u nënshkrua nga më shumë se 4000 njerëz.