Antonijeviq: Mbi 3000 nënshkrime për kthimin e monumentit për ushtarët serbë

Peticioni për kthimin e monumentit të ushtarëve të rënë serbë në luftërat e viteve 1912-1918 në varrezat e Prishtinës aktualisht ka më shumë se 3000 nënshkrime, ka bërë të ditur avokati dhe eksperti i të drejtave të njeriut, Millan Antonijeviq, transmeton RTV.

Antonijeviq tha për Tanjug se peticioni, i cili u iniciua nga koordinatori i Grupit Punues të Konventës Kombëtare të BE-së për Kapitullin 35, Dragisha Mijaçiq, tregon nga njëra anë numrin e atyre që mbështetën drejtpërdrejt kthimin e monumentit, por theksoi se duhet të shtohen të gjithë ata që kanë dërguar mbështetje përmes rrjeteve sociale për ta bërë këtë.

“Numri i madh i njerëzve që e kanë parë dhe shpërndarë këtë peticion flet për gatishmërinë e qytetarëve për ta ngritur këtë çështje, se vullneti ka ekzistuar në momentin kur kjo pllakë është hequr nga varrezat ortodokse të Prishtinës”, tha Antonijeviq.

I pyetur se sa nënshkrues nevojiten për të lëvizur në drejtim të kthimit të monumentit në varreza, ai tha se tashmë është ngritur vëmendja e mediave.

“Duke qenë se kemi sqarimin e parë nga ambasada franceze në Prishtinë, i cili realisht nuk ishte mjaft i kënaqshëm, të gjithë vazhduam të flisnim për faktin se do të duhej të kthehej gjithçka në gjendjen e mëparshme, ky numër nuk është aq i rëndësishëm, më duket, por padyshim që vëmendja e mediave është ngritur nga njëra anë. Mendoj se edhe ambasada franceze e ka kuptuar ndjeshmërinë e kësaj çështjeje, të cilën e kemi theksuar edhe përmes peticionit”, tha Antonijeviq.

Sipas fjalëve të tij, me qartësi ka një mirëkuptim që me heqjen e pllakës përkujtimore, ambasada franceze ka dalë nga “korniza në të cilën duhet të jetë”.

“Natyrisht, është kuptuar se duke vepruar kështu, ambasada ka dalë nga korniza në të cilën duhet të jetë, se kjo është një çështje jashtëzakonisht e ndjeshme, veçanërisht në Kosovë, ku keni një numër të madh monumentesh dhe kishash e varrezash të dëmtuara gjatë konfliktit, të cilat po dëmtohen edhe sot. Ajo ngre tensione në çdo moment dhe për këtë ka padyshim një vullnet për të plotësuar peticionin dhe të gjitha apelet e personazheve publike dhe shoqërisë civile dhe për të kthyer gjithçka në gjendjen e mëparshme. Për t'i dhënë fund kësaj tentative mjaft të çuditshme, nuk mund të them, për të shkruar një histori tjetër, por edhe për një marrëdhënie që ende tregon mungesë respekti ndaj viktimave serbe të Luftës së Parë Botërore”, tha Antonijeviq.

Zhvendosja e memorialit për ushtarët serbë shkaktoi reagime të ashpra dhe ambasadat e Francës dhe Gjermanisë më pas pranuan në një deklaratë të përbashkët se monumenti ishte zhvendosur me iniciativën e tyre, duke e shpjeguar atë lëvizje duke thënë se në vitet e fundit, veçanërisht në vitin 2022, ceremonia e përbashkët franko-gjermane, siç u tha, ishte "njollosur nga polemika në media të caktuara për Kosovën për praninë e një stellë që nderonte ushtarët serbë që vdiqën mes viteve 1912 dhe 1918."

Dioqeza e Rashko-Prizrenit shprehu shqetësimin e thellë për heqjen e pllakës përkujtimore për ushtarët serbë duke theksuar se as komuniteti serb që e shfrytëzon atë varrezë dhe as dioqeza e Rashko-Prizrenit, e cila shpirtërisht kujdeset për varrezat ortodokse në Kosovë, nuk janë konsultuar për zhvendosjen e pllakës përkujtimore për çlirimtarët e Luftës së Parë Botërore. 

Dioqeza theksoi se në këtë mënyrë jo vetëm që u tregua sërish mosrespekt ndaj një memoriali në varrezat ortodokse në Kosovë dhe Meothi, por duke rishkruar historinë po përpiqen të errësojnë të vërtetat e padiskutueshme për pjesëmarrjen dhe rolin historik të popullit serb në këto zona.
Lëvizja e monumentit u dënua nga Zyra për Kosovë e Metohi dhe Lista Serbe.
Ambasada franceze në Prishtinë më pas njoftoi se do të shqyrtojë, siç tha, "mundësitë teknike" që monumenti i zhvendosur i ushtarëve serbë në varrezat ortodokse në Prishtinë të kthehet në vendin e vet.