Zyra për KdheM: Sulmi ndaj fëmijëve serbë në Llapllasellë është pasojë e drejtpërdrejtë e politikës së urrejtjes të udhëhequr nga Prishtina

Zyra për Kosovë dhe Metohi ka njoftuar se sulmi brutal i mbrëmshëm, kërcënimet dhe provokimet në baza etnike ndaj pesë të rinjve serbë në fshatin Llapllasellë afër Graçanicës, nga dy shqiptarë, janë pasojë e drejtpërdrejtë e politikës së urrejtjes që gjeneron çdo ditë Prishtina.

“Të rinjtë serbë janë sulmuar nga ekstremistët dhe fatmirësisht nuk kanë mbetur të lënduar në incidentin ku shqiptarët kanë tërhequr thika mbi ta, me qëllim të dukshëm për t'u përdorur”, paralajmëron Zyra për KdheM në një komunikatë.

Ata theksojnë se incidenti, i cili ndodhi para Qendrës së Shkollës së Mesme, ka sjellë shqetësim dhe frikë të madhe tek komuniteti serb që jeton në Graçanicë dhe në Kosovën e Metohinë qendrore, sepse me të drejtë prindërit pyesin veten se si lejohen t'i lënë fëmijët e tyre jashtë pa shoqërim.

Zyra për KdheM tërheq vëmendjen se gjithnjë e më shpesh në shënjestër të shqiptarëve ekstremë janë fëmijët serbë të cilët nuk kanë të drejtën e një edukimi paqësor dhe të shkujdesur vetëm për shkak se mbajnë emrin dhe mbiemrin serb.

“Bashkësia ndërkombëtare duhet t'i ndalë politikës së tillë shoviniste, ekstremiste të Prishtinës, e cila çdo ditë përshkallëzohet dhe gjeneron incidente të rrezikshme etnike ndaj të gjithë serbëve, me një dënim dhe reagim të qartë ndaj sulmit të mbrëmshëm”, thuhet në deklaratë.

Zyra për KdheM kërkon që autorët e këtij incidenti të rëndë të dalin para drejtësisë, me presion mbi Prishtinën që t'i japë fund politikës së mosndëshkimit, sepse kjo vetëm sa i stimulon më tej rebelët.