FF e Rumunisë: UEFA vendosi vitin e kaluar se slogani "Kosova është Serbi" nuk është raciste

Federata e Futbollit të Rumanisë ka lëshuar një deklaratë sot, në të cilën thuhet se shpreh zhgënjimin e saj më të thellë për sjelljen e delegacionit të Kosovës dhe lojtarëve të saj gjatë ndeshjes së fundit të Ligës së Kombeve, por gjithashtu rikujton se UEFA vitin e kaluar mori një vendim që slogani “Kosova është Serbi” nuk mund të klasifikohet si raciste.

Siç thuhet në deklaratën e Federatës Rumune të Futbollit, “veprimet e delegacionit të Kosovës ishin të paramenduara”.

“Ne besojmë se akuzat e palës kosovare janë të pabaza dhe besojmë fuqimisht se veprimet e tyre ishin të paramenduara. Përkundër kësaj, ne falënderojmë tifozët rumunë (50 mijë) që ishin të pranishëm në stadium për qëndrimin e qytetëruar dhe që e mbajtën veten sa ishte e mundur nga reagimi ndaj provokimeve të lojtarëve të Kosovës”, thuhet në njoftim.

FF e Rumanisë thekson se nuk ka pasur thirrje raciste gjatë ndeshjes.

"Asnjë herë nuk është brohoritur slogani "Kosova është Serbi". Për më tepër, dëshirojmë t'ua rikujtojmë të gjithëve vendimin e Komisionit Disiplinor të UEFA-s lidhur me një incident të ngjashëm vitin e kaluar, ku Kosova ka vepruar në të njëjtën mënyrë. Në vendim thuhej qartë se Slogani "Kosova është Serbi" nuk mund të klasifikohet si raciste dhe për këtë arsye nuk mund të inicojë procedurën me tre hapa. Kjo pikë u përsërit nga delegati i UEFA-s gjatë ndeshjes së kaluar dhe tërhiqeni në dhomën e zhveshjes vetëm dy minuta para fishkëllimës së fundit, duke qenë se rezultati nuk ishte i favorshëm, ky veprim tregon mungesë respekti për sportin dhe shpërfillje të plotë për lojën e ndershme”, thuhet në deklaratë.
Më në fund mohohet incidenti i supozuar në konferencën për shtyp pas ndeshjes.

"Ne e mohojmë kategorikisht se kjo ka ndodhur. Asnjë zyrtar i Federatës Rumune të Futbollit nuk është përfshirë, dhe në fakt ishte delegacioni i Kosovës që e inicioi përballjen me gazetarët rumunë. Federata Rumune e Futbollit beson fuqishëm se futbolli mbart vlera që ndikojnë pozitivisht në shoqëri dhe se ka fuqinë për të dhënë shembull fatkeqësisht, sjellja e delegacionit kosovar, e veçanërisht e lojtarëve të saj, në Bukuresht shërben si shembull se si të mos sillen në sportet profesionale, shkuarja e tyre në dhomat e zhveshjes pa miratimi e arbitrit mund të jetë vetëm një rezultat në përputhje me parimet e lojës”, përfundon deklarata.