KQZ: Deri në orën 13, pjesëmarrja më e lartë në veri të Kosovës

Komunat në veri të Kosovës kryesojnë për nga pjesëmarrja e votuesve në zgjedhjet lokale. Deri në orën 13:00, pjesëmarrja më e madhe është regjistruar në Zveçan, Zubin Potok dhe Mitrovicën e Veriut.

Pjesëmarrja më e lartë në zgjedhjet lokale të sotme në Kosovë, kur bëhet fjalë për vendbanimet me shumicë serbe, deri në orën 11:00 është regjistruar në Zveçan – 38,17 për qind, në Zubin Potok – 37,10 për qind dhe në Mitrovicën e Veriut – 27,81 për qind, sipas të dhënave të publikuara në faqen e Komisionit Qendror të Zgjedhjeve në Prishtinë (KQZ).

Sipas të njëjtave të dhëna, pjesëmarrja në Leposaviq është 16,62 për qind, por aty janë përpunuar vetëm shtatë nga 25 vendvotime.

Në Shtërpcë pjesëmarrja është 24,39 për qind, në Graçanicë 23,82, në Fushë Kosovë 18,12, në Obiliq 20,93, në Novobërdë 31,55, në Ranillug 36,04, ndërsa në Partesh 24,15 për qind.

Deri në orën 13:00 gjithsej kanë votuar 16,37 për qind e votuesve.

Siç është bërë e ditur për Kosovo online nga Zubin Potoku, në Shkollën Fillore “Jovan Cvijić” që nga hapja e qendrës së votimit janë vërejtur radhë, por megjithatë nuk ka pasur vonesa të mëdha.
Rreth orës 12:00 intensiteti i ardhjes së votuesve në këto vendvotime është rritur dukshëm.

Të drejtë vote në komunën e Zubin Potokut kanë 6.527 votues. Përveç kësaj qendre votimi, në dispozicion janë edhe qendrat në Shkollën Fillore “Petar Kočić” në fshatrat Bubë, Lluçkarekë dhe Bërnjak, si edhe në Shkollën Fillore “Blagoje Radić” në Zupç.

Votimi zhvillohet edhe në Çabër, në Shkollën Fillore “Osmani Rama” dhe në fshatin Okllacë në Qendrën Shëndetësore lokale, ndërsa në Çeçevë votimi bëhet në dy kontejnerë mobilë.