Arrestimi në Mitrovicën e Veriut, forcat speciale arrestuan një serb tjetër

Një arrestim i ri mëngjesin e sotëm në Mitrovicën e Veriut dhe siç mëson Kosovo online, njësitet speciale të Policisë së Kosovës kanë arrestuar një serb N.O., i cili punon në një ndërmarrje lokale.

Arrestimi ndodhi në afërsi të stacionit të autobusëve, kur forcat speciale të Policisë së Kosovës me automjete të blinduara rrethuan dhe më pas arrestuan N.O.

Kujtojmë se që nga ardhja e kryekomunarëve shqiptarë në komunat në veri të Kosovës, deri më tani janë arrestuar tetë serbë, ndërsa banorët e Graçanicës dhe Ranillugut dje kanë protestuar për arrestimin e Dragisha Millovanoviqit.

Protestat para objekteve komunale në Leposaviq, Zveçan dhe Zubin Potok kanë hyrë në ditën e 26-të për të shprehur pakënaqësinë e tyre për praninë e forcave speciale të Kosovës, imponimin e kryekomunarëve të paligjshëm shqiptarë dhe arrestimet e pabaza të bashkatdhetarëve që kanë ndodhur javët e fundit.