Shpallet aktgjykimi për rastin e vrasjes së Olliver Ivanoviqit, 22 vite burg për katër të akuzuarit

Në Gjykatën Themelore në Prishtinë është lexuar sot aktgjykimi për rastin e vrasjes së Olliver Ivanoviqit.

I akuzuari Marko Roshiq është dënuar me 10 vjet burg dhe 10 mijë euro gjobë. Në dënimin e tij është përfshirë edhe koha që ka kaluar në paraburgim.

Nedelko Spasojeviq është dënuar me katër vjet e gjashtë muaj dhe 4300 euro gjobë.

Dragisha Markoviq është shpallur fajtor për veprën penale të bashkëpunimit dhe keqpërdorimit të pozitës zyrtare. Ai u dënua me katër vjet.

Zharko Jovanoviq është shpallur fajtor për veprën penale të shpërdorimit të detyrës dhe bashkëpunimit. Ai u dënua me katër vjet. Ai është dënuar me 1500 euro gjobë për veprën penale të armëmbajtjes pa leje.

Sillvana Arsoviq u lirua nga aktakuza, si dhe Rade Basara.

Sipas fjalëve të Prokurorisë Speciale në fjalën përfundimtare, ndjekja penale e Basarës është ndërprerë për mungesë provash.

Të akuzuarit u mbrojtën nga liria.

Olliver Ivanoviq u vra më 16 janar 2018, para selisë së partisë së tij në Mitrovicën e Veriut, dhe gjykimi filloi në korrik 2021.