Ivanoviq: Kurti po e shndërron Kosovën në një kamp përqendrimi për serbët, me qëllim spastrimin etnik

Shefi i departamentit të sëmundjeve pulmonare në QSK “Mitrovica e Kosovës”, dr. Millan Ivanoviq, ka thënë për Kurir se Albin Kurti po e shndërron Kosovën në kamp përqendrimi për serbët, qartësisht duke dashur të prodhojnë spastrim etnik.

Ivanoviq thotë se dhuna në Kosovë nuk mund të thuhet se është e re, por vetëm se format e dhunës dhe presioneve janë shumë të ndryshme.

“Albin Kurti në strategjinë e tij për t’ua mjeruar jetën serbëve merr të gjitha masat e mundshme dhe kësaj radhe ishte radha që të vështirësohej jeta ekonomike dhe sociale e serbëve”, tha dr.Ivanoviq.

Duke kujtuar se ndalimi i importit të ushqimeve dhe produkteve ushqimore është në fuqi, Ivanoviq ka theksuar se edhe importi i barnave është i ndaluar.

“Do të rrezikojë edhe më tej jetën e serbëve në kuptimin social, ekonomik, në aspektin e trajtimit, nuk ka të drejtë për trajtim, nuk ka të drejtë për jetë. Kurti po e shndërron këtë zonë në një kamp përqendrimi për serbët, padyshim që dëshiron të prodhojë efektin përfundimtar të spastrimit etnik të serbëve nga këto zona”, përfundoi Ivanoviq.