Bërnabiq: I vetmi që ka bërë diçka për Kosovën në dekadat e fundit është Vuçiq

Kryeministrja e Sërbisë Ana Bërnabiq ka thënë sot se presidenti i Sërbisë Aleksandar Vuçiq është i vetmi në dekadat e fundit që ka bërë diçka për Kosovën dhe popullin sërb.

"Sot ata që në vitin 2001 lanë të lirë terroristët shqiptarë, heshtën gjatë persekutimit në vitin 2004 dhe për shpalljen e pavarësisë në 2008, i zhvendosën negociatat nga OKB në BE në 2010 dhe çuan në opinionin katastrofal të Gjykatës Ndërkombëtare të Drejtësisë (ndaj nesh), raportojnë se thonë diçka rreth Kosovës” ka nënvizuar Bërnabiq në Tviter.

Ajo shtoi se bëhet fjalë për “papërgjegjshmëri të lehtë dhe të padurueshme”.

“Dëshirë e paturpshme për të fituar pushtetin politik, sado të vështira të jenë kohët për Sërbinë”, tha Bërnabiq.