Bilçik: Me ardhjen e Kurtit në pushtet negociatat nuk shkojnë në drejtim të gjetjes së zgjidhjes

Të dyja palët (Serbia dhe Kosova) kanë një përgjegjësi të madhe për t'u kthyer në dialog, deklaroi për Guardian raportuesi i Parlamentit Evropian për Serbinë, Vlladimir Bilçik.

Bilçik tha se situata si në Beograd ashtu edhe në Prishtinë duhet të shikohet me kujdes.

“Fatkeqësisht, me ardhjen e Albin Kurtit në pushtet (në Kosovë), negociatat vërtet po vonohen dhe nuk po shkojnë në drejtim të gjetjes së zgjidhjes, dhe këtë e them si dikush që është shumë i hapur ndaj kritikave ndaj palës serbe”, tha Bilçik.

Ai i ka vlerësuar si “absolutisht të papranueshme” të shtënat e fundit në veri të Kosovës.

“Kjo është me të vërtetë një situatë jashtëzakonisht e rrezikshme që tregon se gjërat mund të dalin vërtet jashtë kontrollit. Është e rëndësishme që të ketë një de-përshkallëzimi, që të ketë një hetim të plotë. Është një karotë e madhe – dhe karota është anëtarësimi në BE”, tha Bilçik.

Nëse dialogu nuk ecën përpara, siç tha ai, “do të shohim më shumë konflikte, më shumë nacionalizëm, më shumë tërheqje nga bota”.