Brnabiq: Kredibiliteti i BE-së qëndron në zbatimin e BKS-së

Kryeministrja e Serbisë, Ana Brnabiq, tha sot se Bashkësia e Komunave Serbe tani duhet të jetë në agjendë dhe theksoi se kredibiliteti i BE-së qëndron në zbatimin e saj, përcjell RTV.

"Për sa i përket integrimit në BE, bashkëpunimit rajonal dhe një rajoni të qëndrueshëm dhe paqësor, sigurisht pika numër një është dialogu midis Beogradit dhe Prishtinës. Në këtë moment, BKS duhet të jetë në agjendë me të vërtetë", tha Brnabiq, duke shtuar se Marrëveshja e parë për normalizimin e marrëdhënieve ndërmjet Beogradit dhe Prishtinës është nënshkruar në vitin 2013.

Brnabiq përkujtoi se së shpejti, më 19 prill, bëhen 10 vjet nga nënshkrimi i Marrëveshjes së Brukselit.

“Gjashtë pika në Marrëveshjen e Brukselit i referohen BKS-së dhe kredibiliteti i BE-së tani qëndron në zbatimin e BKS-së, formimin e BKS-së dhe më pas mund të vazhdojmë përpara”, tha Brnabiq në hapjen e konferencës rajonale “Integrimet Euroatlantike të Ballkanit Perëndimor, Perspektivat - Ballkani Perëndimor, Bashkëpunimi transatlantik dhe shoqëria civile”, ku foli për dy synimet më të rëndësishme të politikës së jashtme të Serbisë.

Brnabiq përkujtoi se Serbia ka punuar më shumë se kurrë në reformat në fushën e sundimit të ligjit dhe ka përfunduar procesin e vështirë dhe kompleks të amandmaneve kushtetuese, ndryshimeve kushtetuese në fushën e gjyqësorit.

“Ne i kemi miratuar të gjitha ligjet në fushën e drejtësisë që janë dashur të miratohen dhe të harmonizohen me ato ndryshime”, tha kryeministrja dhe theksoi se gjëja tjetër e madhe është zbatimi i plotë i strategjisë së mediat.

Nuk po e bëjmë vetëm për shkak të integrimeve tona në BE, tha kryeministrja.

“Si kryeministrja, unë besoj thellësisht se të gjitha reformat që po zbatojmë, të cilat janë të rëndësishme për ne dhe qytetarët tanë dhe që do të sigurojnë që Serbia të jetë një vend më i fortë dhe më i qëndrueshëm në kuptimin politik, ekonomik dhe administrativ, janë reformat që përfundimisht do të na çojnë në BE-në, por se kur do të anëtarësohemi varet nga vetë shtetet anëtare”, tha Brnabiq.

Brnabiq mori pjesë në konferencë, ku mori pjesë edhe Ministrja për Integrime Evropiane, Tanja Mishçeviq, ku ndër të tjera folën ambasadori norvegjez Jern Eugen Jelstad dhe ambasadori amerikan Kristofer Hill.

Tubimi organizohet nga Fondi Ballkanik për Demokraci i Fondit Gjerman Marshall të SHBA-së si pjesë e projektit "Forcimi i integrimit në BE në Malin e Zi, Maqedoninë e Veriut dhe Serbinë" me mbështetjen e Ministrisë së Punëve të Jashtme të Norvegjisë dhe Ambasadës së Mbretërisë së Norvegjisë në Beograd.