Çoviq: Prishtina shkakton tensione, Perëndimi e injoron atë dhe e zhvendos fokusin në barrikada

Ish-Nënkryetari i Qeverisë së Serbisë dhe ish-Kryetari i Qendrës Koordinuese për Kosovën e Metohinë, Nebojsha Çoviq, ka vlerësuar se në Kosovë po bëhet represion, përmes të cilit bëhet spastrimi etnik i bashkësisë kombëtare serbe, transmeton Danas.

Në paraqitje në Lajmet e mëngjesit në RTS, Çoviq shtoi se kryeministri i Kosovës Albin Kurti sillet kështu sepse këtë ia kanë lejuar SHBA-të, por edhe Gjermania dhe Franca.

"Situata në Kosovë e Metohi është produkt i synimit të disa strukturave ndërkombëtare, në radhë të parë të amerikanëve, pastaj gjermanëve dhe francezëve, të cilët e lejuan Kurtin të sillet ashtu. Këtu kemi represion të drejtpërdrejtë përmes të cilit po bëhet spastrimi etnik i bashkësisë kombëtare serbe, kjo do të thotë se mund të përshkallëzohet represioni dhe gradualisht po përshkallëzohet”, vlerëson Çoviq.

Ai tregon se Prishtina vazhdimisht ka “mashtrime” që synojnë ngritjen e tensioneve.

“Gjithmonë keni, mashtrime fleksibël, si kur Vljosa Osmani ka shpallur zgjedhje dhe e di që nuk do t'i mbajë dhe pastaj i shtyn zgjedhjet për në prill, por në të njëjtën kohë ngre tensione dhe pas kësaj, nga ato tensione, vjen deri te hyrja e ROSU me arma të gjata, deri në represionin në Hoçë të Madhe dhe pastaj arrin në veri të Kosovës e Metohisë dhe vetë provokimet e 200, 300 forcave speciale të armatosura dhe pastaj në arrestimin e njerëzve të pafajshëm dhe pastaj ke tension”, thekson Çoviq.

Ai thotë se Perëndimi i injoron të gjitha këto dhe përpiqet ta zhvendosë fokusin te barrikadat.

“Dhe sigurisht, tani jemi në aktin e dytë në të cilin shfaqen barrikadat, si mund të deklarojmë se në fakt fajin e kanë serbët, se problemi më i madh janë barrikadat, dhe jo shkaku që çoi në barrikada, dhe jo me valën e mashtrimit që vazhdon që nga viti 1999 me marrëveshje të ndryshme përmes të cilave blejnë kohë, na e hanë sovranitetin dhe e shtyjnë drejt një qëllimi”, thekson Çoviq.

Ajo tregon se zgjidhja qëndron në zbatimin e drejtpërdrejtë të Rezolutës 1244 të Këshillit të Sigurimit, por që Perëndimi e diskrediton dhe nuk e njeh atë.

I pyetur për propozimin franko-gjerman, ai shprehet se ai bie ndesh me Kushtetutën tonë dhe Rezolutën 1244 të Këshillit të Sigurimit.

“Sa i përket propozimit franko-gjerman, ai është i pakuptimtë, nuk mund të zbatohet në asnjë moment sepse shkel Kushtetutën tonë dhe Rezolutën 1244 të Këshillit të Sigurimit nga fillimi në fund në të 10 pikat ose aq sa janë. E dini, kur kanë nevojë për një rezolutë, i referohen asaj dhe këtu e skualifikojnë dhe diskreditojnë”, tha ai.

Ai thekson se Serbia duhet të kërkojë lirimin e menjëhershëm të të gjithë të arrestuarve të pafajshëm në territorin e Kosovës, tërheqjen e menjëhershme të ROSU nga veriu i Kosovës, shfuqizimin e menjëhershëm të KBS-së, që, siç shton ai, nuk kanë mundur të formorhen sipas asnjë dokument, dhe formimi i menjëhershëm i Komunitetit të Komunave Serbe, por sipas dokumentit origjinal.

“Në Marrëveshjen e Brukselit është një nga 15 pikat në të cilën thuhet se dinamika do të përcaktohet deri më 26 prill 2013 dhe ai afat për formimin e një Komuniteti të tillë origjinal të Komunave Serbe, të mos e teprojmë, le të mos jetë fundi i këtij viti, le të jetë 31 janari 2023, por jam absolutisht i sigurt se as Kurti dhe as ata nuk do ta formojnë kurrë Komunitetin e Komunave Serbe”, vlerëson Çoviq.