Gjukanoviq: BE-ja nuk ka kredibilitet mjaft të fortë për të ndikuar në qetësimin e tensioneve

Prof. Dr. Dragan Gjukanoviq, Kryetar i Qendrës për Politikë të Jashtme dhe Profesor i Fakultetit të Shkencave Politike në Beograd, në një paraqitje në Programin e Mëngjesit të RTS-së, ka thënë se duket se komuniteti ndërkombëtar nuk ka përgjigje të duhur për krizën në Kosovë për momentin.

“BE-ja është fokusuar në vazhdimin e dialogut, ndërkohë që çështjet e jetës po neglizhohen. Më duket se në një farë mënyre këto ditë jemi dëshmitarë të një aktiviteti të përshpejtuar diplomatik me qëllim të një lloj de-përshkallëzimin. Do të shikojmë sa do të zgjasë e gjithë kjo”, thotë Gjukanoviq.

BE-ja, vëren ai, gjithmonë u bën thirrje të dyja palëve.

"Ky nuk është një përjashtim. Mendoj se BE-ja nuk ka një besueshmëri të mjaftueshme për të ndikuar në qetësimin e tensioneve," beson Gjukanoviq.

Sipas tij, i dërguari i posaçëm i SHBA-së për Ballkanin Perëndimor, Gabriel Eskobar, është takuar edhe me përfaqësuesit e Listës Serbe, që është sinjal se ata duan të ndikojnë në de-përshkallëzimin.

“Më duket se kjo është një përpjekje për të përshpejtuar aktivitetet diplomatike dhe është paralajmëruar edhe vizita e Mirosllav Lajçakut në Beograd dhe Prishtinë në fund të javës”, shton Gjukanoviq.

Ai thekson se në shtator u bënë dy vjet nga arritja e Marrëveshjes së Uashingtonit. "Ajo nuk u zbatua nga Prishtina. Dhe marrëveshja e parë për normalizimin nga viti 2013 gjithashtu. Mendoj se fokusi i BE-së dhe SHBA-së do të jetë jo vetëm në një hap të mundshëm përpara në dialog, por në zbatimin e asaj që është rënë qenë dakord deri më tani”, thekson Gjukanoviq.

Autoritetet në Prishtinë, thotë ai, po përpiqen të ndikojnë në elektoratin e tyre dhe të ruajnë balancën aktuale të pushtetit mes partive politike të shqiptarëve të Kosovës.

I pyetur se çfarë sjell plani i modifikuar franko-gjerman, Gjukanoviq shprehet se nuk e di se në çfarë mase është modifikuar në krahasim me versionin origjinal, por se është një dokument që është shfaqur me varietete të ndryshme në muajt e mëparshëm.

"Nëse shikoni një lloj thelbi të vetë dokumentit, mund të shihni ngjashmëri të mëdha me marrëveshjen që ekzistonte midis dy Gjermanive nga nëntori 1972. Madje disa formulime janë pothuajse identike. Ne pamë që SHBA-të e mbështetën hapur atë iniciativë. Gjithçka varet nga aktivitetet e ardhshme diplomatike, dmth se në cilin drejtim do të shkojnë aktivitetet e Mirosllav Lajçakut dhe nga vizita e Gabriell Eskobar, i dërguari special i SHBA-së për Ballkanin Perëndimor”, theksoi Gjukanoviq.