Deri më tani asgjë nga anëtarësimi i Kosovës në Këshillin e Europës

Kërkesa e Kosovës për pranim në Këshillin e Evropës, siç janë tani gjërat, nuk do të konsiderohet në organet e kësaj organizate as në javët në vijim, mëson Kosova online nga burime diplomatike.

Sipas informacioneve tona, Gjermania, e cila më së shumti këmbënguli që kjo çështje të "zhbllokohej" tashmë këtë javë, do të presë 2 majin dhe një takim në një nivel të lartë politik në Bruksel, mes presidentit serb Aleksandar Vuçiq dhe kryeministrit të Kosovës Albin Kurti dhe përfundimisht të bëhet një lëvizje drejt formimit të Unionit të Komunave Serbe, para se Këshilli i Kosovës të ngrejë sërish çështjen e pranimit të Kosovës.

Kërkesa e Prishtinës sot nuk ishte në rendin e ditës të Komitetit të Ministrave të KE, dhe nuk do të ketë një seancë të jashtëzakonshme të këtij organi deri në fund të javës për të diskutuar këtë çështje, për të cilën kanë insistuar më shumë Gjermania dhe Italia. Islanda, si kryetare e Komitetit të Ministrave, arriti t'u rezistojë këtyre presioneve.

Në këtë mënyrë është shmangur që aplikimi i Kosovës të shfaqet në seancën e Asamblesë Parlamentare të Këshillit të Evropës, e cila fillon të hënën, më 24 prill.

Kjo do të thotë se Kosova pothuajse me siguri nuk do të diskutohet para Samitit të Këshillit të Evropës, i cili mbahet më 16 dhe 17 maj në Rejkjavík, dhe me shumë gjasa as atëherë, për shkak të procedurës së komplikuar kur bëhet fjalë për kërkesën për anëtarësimdhe që duhet të kalojë nëpër disa hapa në organet e SE para se të merret në konsideratë në nivelin kryesor, ministror.