Islanda i rezistoi presionit: Asnjë diskutim për Kosovën në takimin e sotëm në Këshillin e Evropës

Kërkesa e Prishtinës për pranim në Këshillin e Evropës sot nuk ishte në rend dite e Komitetit të Ministrave dhe nuk do të ketë mbledhje të posaçme të këtij organi deri në fund të javës për të diskutuar këtë çështje, atë për të cilën këmbëngulën shtetet e Quint-it, mëson Kosovo online.

Ambasadorja e Islandës, e cila kryeson Komitetin e Ministrave, arriti t'i rezistojë presionit dhe të mos e përfshijë në rend dite kërkesën e Kosovës për anëtarësim.

Nuk do të ketë as një seancë të jashtëzakonshme të Komitetit të Ministrave të premten e 21 prillit, për të cilën këmbëngulën më së shumti Gjermania dhe Britania e Madhe.

Ambasadorja e Misionit të Serbisë në Këshillin e Evropës, Aleksandra Gjuroviq tha dje se vendet e Quint-it po i bëjnë presion të madh Islandës, si vend kryesues i Komitetit të Ministrave të Këshillit të Evropës, për të përfshirë në rend dite çështja e anëtarësimit të Kosovës në atë organizatë.

Për momentin nuk dihet nëse kjo çështje do të përfshihet në një nga mbledhjet e rregullta të Komitetit të Ministrave, të cilat mbahen çdo të mërkurë.

Skenari më i sigurt është se Kosova nuk do të diskutohet para Samitit të Këshillit të Evropës, i cili mbahet më 16 dhe 17 maj në Rejkjavík.