Drecun: Prishtina po përgjon komunikimet, serbët në veri të Kosovës duhet të jenë të kujdesshëm

Nuk ka pushim në fushatën e dhunës të provokuar nga Prishtina, destabilizimi i ngritur kaq lart nga Albin Kurti mund të përshkallëzohet në një konflikt pas të cilit Beogradi do të duhej të ndërhynte dhe të mbronte serbët në Kosovë, tha Millovan Drecun, Kryetar i Komisionit Parlamentar për Kosovën e Metohinë, përcjell RTV.

“Sigurisht që Kurti nuk e ka bërë këtë sepse ka ardhur delegacioni amerikan dhe përderisa ata janë atje ai nuk do të ndërmarrë masa të tilla, por forcat e tij speciale i mban në gatishmëri”, tha Drecun për RTS.
Kryetari i Komisionit Parlamentar për Kosovën e Metohinë thotë se nuk është në interesin e serbëve që të shkaktojnë konflikte, sidomos me forcat ndërkombëtare të sigurisë EULEX dhe KFOR.

"Serbët duan paqe dhe dialog, por provokimet janë të mundshme në zona të përziera si Brđane, lagja Tri Solitera dhe Mëhalla e Boshnjaçkëve. Po krijohet një atmosferë për të treguar se lufta është ndezur dhe se serbët po e shkaktojnë. Barrikadat nuk janë shkaku, barrikadat janë pasojë e terrorizmit të përditshëm të popullit serb”, theksoi Drecun.

Ai po ashtu thekson se ka pasur lajme se pjesëtarët e KFOR-it kanë hyrë aksidentalisht në oborrin e një kopsht në Leposaviq.

“Është sikur kanë devijuar me pajisjet më moderne që kanë dhe të nesërmen kanë ardhur pjesëtarët e njësive speciale të parapolicisë. Bëhet fjalë për zbulimin e terrenit, sepse ndoshta nëse tentohet të sulmohet Leposaviqi dhe të merret Leposaviqi, ata duan që të ketë një vend ku do të vendosin njësitë e tyre”, thekson Drecun.

Ai gjithashtu theksoi se kur kanë arritur përforcimet amerikane të kontingjentit të KFOR-it, kanë përdorur pajisje speciale për të bllokuar të gjitha komunikimet në disa raste.

“Ju e keni parë informacionin se dje në veri të Kosovës është bllokuar për një kohë të shkurtër interneti dhe telefonia celulare, këtë mund ta bëjë vetëm SHBA-ja. Përveç kësaj, Prishtina ka një qendër për përgjimet në pjesën jugore të Mitrovicës përmes së cilës përgjojnë komunikimi i serbëve nga veriu i Kosovës dhe serbët duhet të jenë shumë të kujdesshëm në atë komunikim”, tha Drecun.