Shkollat fillore dhe të mesme në veri të Kosovës janë të mbyllura

Siç mëson Kosovo Online, për shkak të situatës aktuale në veri të Kosovës, shkollat fillore dhe të mesme, të cilat funksionojnë në sistemin e Republikës së Serbisë, nga sot nuk do të jenë të hapura.

Për momentin nuk dihet se sa do të qëndrojnë të mbyllura institucionet arsimore në veri.

Kryetari i Listës Serbe, Goran Rakiq, ka bërë të ditur mbrëmë se tensionet në veri të Kosovës janë ende të pranishme në mesin e qytetarëve dhe se për shkak të kompleksitetit të situatës është formuar Shtabi i Krizave për të raportuar për gjendjen në terren. 

Rakiq u ka bërë thirrje qytetarëve që të jenë të qetë, por edhe vigjilentë dhe të mos bien në provokime, sepse, siç shtoi ai, qëllimi i Prishtinës është të provokojë reagimin e serbëve për t'i fajësuar ata se janë “faktor shkatërrues dhe përçarës”.