Escobar: Edhe nëse Kurti nuk do, BKS do të formohet 

I dërguari i posaçëm i SHBA-së për Ballkanin Perëndimor, Gabriel Escobar, tha në një intervistë për të përditshmen vjeneze Prese se Bashkësia e Komunave Serbe duhet të formohet dhe se pyetja e vetme është nëse Kosova dëshiron të presë integrimin euroatlantik deri në kryeministrin Albin Kurti e kryen obligimin.

Escobar theksoi se “Kosova tani duhet të lëvizë urgjentisht”, dhe tregoi se themelimi i BKS-së është një obligim ndërkombëtar, ligjor, i ndërmarrë.

"Nuk varet nga ai. Nuk është çështje mes Kurtit dhe Serbisë. Është çështje mes Kosovës dhe Serbisë. Edhe nëse Kurti nuk do, do të formohet BKS", theksoi Escobar i pyetur për kundërshtimin e Kryeministri i Kosovës Albin Kurti për formimin e BKS-së.

Ai theksoi se pyetja e vetme është nëse Kosova dëshiron të presë integrimet euroatlantike derisa kryeministri të përmbushë obligimet e tij.

Siç thotë ai, nëse Kosova nuk dëshiron një Republikë Serbe të re si në Bosnjë e Hercegovinë, atëherë duhet të paraqesë propozimin e tij për atë që dëshiron.

"Ata na thanë atë që nuk duan. Tani ata duhet të na thonë se çfarë duan, kjo është ajo që ne presim", tha Escobar.
Mosgatishmëria e Prishtinës për të lëvizur në këtë çështje, sipas tij, tregon “mosgatishmërinë për t'u pajtuar në vendin e saj”.

"Mesazhi ynë për Kosovën dhe Serbinë është – derisa të dyja palët të zbatojnë marrëveshjet e rëndësishme nga marrëveshja e normalizimit, nuk është koha për ‘business as usual’”, nënvizoi Escobar.

Ai po ashtu tha se Serbia duhet të dërgojë një mesazh të qartë se nuk toleron dhunën, si ndaj forcave paqeruajtëse të KFOR-it, ashtu edhe ndaj Policisë së Kosovës.