Gjuriq: Mbështetja për transformimin e FSK-së në ushtri forcon ekstremizmin e qeverisë në Prishtinë

Ambasadori i Serbisë në SHBA, Marko Gjuriq, ka deklaruar për deklaratën e ambasadorit amerikan në Kosovë, Xhefri Hovenier, i cili tha se SHBA-të mbështesin transformimin e KBS-së në ushtri, dhe ka bërë të ditur se një mbështetje e tillë nuk i kontribuon dialogut, qetësimit të tensioneve dhe normalizimit të marrëdhënieve.

“Përkrahja e transformimit të FSK-së, gradual apo i menjëhershëm, në një forcë ushtarake të armatosur rëndë nuk kontribuon në procesin e dialogut, qetësimin e tensioneve apo normalizimin e marrëdhënieve në rajonin tonë”, ka shkruar Gjuriq në platformën X.

Ai deklaroi se transformimi i FSK-së në ushtri të përhershme është drejtpërdrejt në kundërshtim me Rezolutën 1244 të Këshillit të Sigurimit të OKB-së dhe Marrëveshjen Ushtarako-Teknike të Kumanovës.

“Të gjitha këto mënjanë, mbështetja e transformimit të FSK-së në këtë moment politik në Kosovë vetëm sa e forcon dhe shpërblen qeverinë ekstreme në Prishtinë, të udhëhequr nga një agjendë etno-nacionaliste, nën mbikëqyrjen e së cilës 11 për qind e serbëve të Kosovës tashmë janë larguar nga Kosova. Dialogu mbetet e vetmja rrugë përpara dhe për të qenë i suksesshëm, nuk duhet të inkurajojmë më ata që e minojnë haptazi atë”, shtoi Gjuriq.