Gjuriq me Sorensenin: Themelimi i AKS-së dhe përmbushja e obligimeve janë të domosdoshme për rinisjen e dialogut

Ministri i Punëve të Jashtme të Serbisë, Marko Gjuriq, theksoi sot gjatë bisedës me të dërguarin e BE-së për dialogun Beograd–Prishtinë, Peter Sorensen, se themelimi i Asociacionit të Komunave Serbe dhe përmbushja e të gjitha obligimeve të dakorduara janë të domosdoshme për rinisjen e një dialogu kuptimplotë.

Gjuriq njoftoi në Instagram se me Sorensenin ka biseduar për vazhdimin e dialogut dhe situatën në Kosovë.

Ai vuri në dukje se retorika obstruktive, destabilizuese dhe konfrontuese, si dhe veprimet e përfaqësuesve të Prishtinës, vazhdojnë ta dëmtojnë dialogun dhe të minojnë paqen dhe sigurinë në të gjithë rajonin.

“Duke theksuar rolin vazhdimisht konstruktiv të Beogradit, nevojën për angazhim të shtuar ndërkombëtar në krahinë dhe faktin se të drejtat dhe siguria e serbëve duhet të respektohen, nënvizova se themelimi i Asociacionit të Komunave Serbe dhe përmbushja e të gjitha obligimeve të dakorduara janë të domosdoshme për rinisjen e një dialogu kuptimplotë dhe për mundësimin e stabilitetit të qëndrueshëm”, shkroi ministri Gjuriq.